మెగాస్టార్ చిరంజీవి రెండు సినిమాల్లో ఆఫర్ ఇచ్చిన నేను రిజెక్ట్ చేశాను.. స్టార్ హీరో షాకింగ్ కామెంట్స్

దిశ, సినిమా: మలయాళ స్టార్ హీరో పృథ్వీరాజ్ సుకుమారన్ తాజా సినిమా ‘ఆడుజీవితం’. నిజ జీవిత ఘటన ఆధారంగా రూపొందిన ఈ మూవీ మార్చి 28న ప్రేక్షకుల ముందుకు రాబోతోంది. నిజానికి 2008 లోనే అనుకున్న ఈ మూవీ ఎన్నో అడ్డంకుల తర్వాత 2018లో షూటింగ్ ప్రారంభం అయింది. ఇక మొత్తానికి ఈ మూవీ షూటింగ్ విజయవంతంగా పూర్తి కావడంతో మార్చి 28న విడుదలకు సిద్ధంగా ఉంది. ఈ క్రమంలోనే ప్రమోషన్స్ మొదలు పెట్టారు మూవీ టీమ్. ఈ క్రమంలోనే పృథ్వీరాజ్ సుకుమారన్ సినిమా గురించి అలాగే, చిరంజీవి తనకు ఇచ్చిన ఆఫర్ల గురించి పలు ఆసక్తికర వ్యాఖ్యలు చేశారు.

ఆయన మాట్లాడుతూ.. ‘నిజానికి మెగాస్టార్ చిరంజీవి సైరా సినిమాలో నన్ను చేయమని సుహాసిని ద్వారా చెప్పించారు. కానీ అప్పుడు నేను ఈ మూవీ గురించి ప్రీపేర్ అవుతున్నాను. అందుకే నో చెప్పాను. తర్వాత లూసిఫర్ తెలుగు రీమేక్ గాఢ్ ఫాదర్ చిత్రాన్ని నన్నే డైరెక్ట్ చేయమన్నారు. అప్పుడు కూడా గోట్ లైఫ్ సినిమా కంటిన్యూ చేస్తూ ఉన్నాను. అదే మాట చెప్పడంతో నాలుగేళ్లుగా నువ్వు సేమ్ స్టోరీ చెప్తున్నావు అని అన్నారు. కానీ, అసలు ఆయన నా గురించి ఆలోచించడమే గొప్ప. మీ సినిమాలో నటించడం నాకెంతో ఇష్టం. కానీ కుదరడం లేదు అని వినయంగా చెప్పాను. భవిష్యత్తులో అవకాశం వస్తే తప్పకుండా చిరంజీవితో కలిసి పనిచేస్తాను’ అంటూ చెప్పుకొచ్చాడు. ప్రస్తుతం పృథ్వీరాజ్ మాటలు నెట్టింట వైరల్ అవుతున్నాయి.