హనుమంతుడు సీట్లో కూర్చున్నాడని వ్యక్తిపై ప్రభాస్ అభిమానులు దాడి..

దిశ, వెబ్‌డెస్క్: ‘ఆదిపురుష్’. ఎన్నో అంచనాల మధ్య నేడు ఈ సినిమా ప్రేక్షకుల ముందుకు వచ్చింది. అత్యంత ప్రతిష్టాత్మకంగా తెరకెక్కిన ఈ మూవీ రామాయణం బ్యాక్ డ్రాప్‌లో రూపొందించబడింది. ఈ కారణం చేతనే.. ఆదిపురుష్ రిలీజ్ చేసిన ప్రతీ థియేటర్లలో ఓ సీట్ హనుమంతుడికి కేటాయించారు. ఆ సీట్‌లో కచ్చితంగా హనుమంతుడు కూర్చుని సినిమా చూస్తాడని, రాముడు ఎక్కడ ఉంటే అక్కడికి హనుమంతుడు వస్తాడని మేకర్స్ ఈ రకంగా ఆలోచించిన విషయం తెలిసిందే.

అయితే.. హైదరాబాద్‌లోని భ్రమరాంబ థియేటర్‌లో ఓ మాత్రం ఓ ఘటన జరిగింది. ’ఆదిపురుష్’ షో చూసేందుకు వచ్చిన వ్యక్తి ఆంజనేయుడుకి కేటాయించిన సీట్‌లో కూర్చుకున్నాడు. దీంతో ఆగ్రహించిన కొందరు వ్యక్తులు అతడిపై దాడి చేశారు. థియేటర్ సిబ్బంది వచ్చి గొడవ సద్దుమణిగేలా చేసి.. అతడిని మరోచోట కూర్చోపెట్టారు. అయితే.. హనుమంతుడికి కేటాయించిన సీట్‌లో కూర్చున్న వ్యక్తి మద్యం సేవించి ఉన్నట్లు ఫ్యాన్స్ తెలిపారు.