ముంబై పోలీసుల చేతికి చిక్కిన ప్రభాస్ బుజ్జి.. వాళ్లు ఏం చేశారంటే? (వీడియో)
దిశ, సినిమా: పాన్ ఇండియా స్టార్ ప్రభాస్, దీపికా పదుకొణె జంటగా నటిస్తున్న సినిమా ‘కల్కి 2898AD’. అయితే.. ఈ సినిమాలో స్పెషల్ అట్రాక్షన్‌గా నిలిచింది బుజ్జికారు. ఇటీవల బుజ్జిని బాగా ప్రమోట్ చేశారు. దీంతో అందరి దృష్టి ప్రభాస్ బుజ్జి మీదే పడింది. ఈ క్రమంలోనే కారుతోనే అన్ని పట్టణాల్లో ప్రమోషన్స్ చేస్తోంది చిత్ర యూనిట్. మొదటగా హైదరాబాద్, తరువాత చెన్నైలో బుజ్జి సందడి చేయగా ఇప్పుడు ముంబై ప్రజలను ఎట్రాక్ట్ చేస్తుంది. ముంబైలోని జుహు బీచ్‌లో అభిమానుల కోసం బుజ్జి కారును ఉంచారు. ఈ కారును చూసేందుకు ఫ్యాన్స్ పోటిపడుతున్నారు. ఇక ఇప్పటికే ఈ కారును పలువురు డ్రైవ్ చేయగా.. ముంబై పోలీసులు కూడా దీన్ని డ్రైవ్ చేశారు.
ఇందుకు సంబంధించిన ఫొటోలు, వీడియోలు X ఖాతాలో షేర్ చేస్తూ.. ‘ముంబై యొక్క నిజమైన సూపర్ హీరో కూడా మా బుజ్జిని నడపాలనుకుంటున్నాడు. ముంబయిలోని జుహు బీచ్ నుండి హృదయాన్ని కదిలించే విజువల్స్’ అనే క్యాప్షన్ ఇచ్చి షేర్ చెయ్యగా.. ప్రస్తుతం ఈ విజువల్స్ నెట్టింట ఆకట్టుకుంటున్నాయి. కాగా.. స్టార్ డైరెక్టర్ నాగ్ అశ్విన్ తెరకెక్కిస్తున్న ఈ చిత్రంలో.. అమితాబ్ బచ్చన్, కమల్ హాసన్, దిశా పటాని కీలక పాత్రలో నటిస్తున్నారు. వైజయంతి మూవీ బ్యానర్‌పై రూపొందుతున్న ఈ చిత్రం జూన్ 27న గ్రాండ్ రిలీజ్‌కు సిద్ధంగా ఉంది. ఇక ఇప్పటికే ప్రమోషన్స్‌లో జోరు పెంచిన మూవీ టీమ్.. సినిమాపై మరింత హైప్‌ను పెంచే పయత్రంలో ఉన్నారు. ఇక ఈ సినిమా ట్రైలర్‌ను 10న విడుదల చేయనున్నారు.
