‘పొన్నియిన్‌ సెల్వన్‌2’ ట్రైలర్‌ డేట్‌ ఫీక్స్....
దిశ, వెబ్‌డెస్క్: ప్రముఖ దర్శకుడు మణిరత్నం దర్శకత్వంలో చోళ సామ్రాజ్యం కథతో తెరకెక్కిన `పొన్నియిన్‌ సెల్వన్‌` చిత్రం భారీ విజయం సాధించిన విషయం తెలిసిందే.ప్రస్తుం ఈ సినిమాకు సీక్వెల్‌గా ‘పొన్నియిన్‌ సెల్వన్‌-2’ సినిమాని తెరకెక్కిస్తున్నాడు మణిరత్నం. ఇక, ఈ చిత్రం నుండి ఇప్పటికే విడుదలైన పాటలకు స్పందన బాగుంది. తాజాగా ఈ చిత్ర నిర్మాణ సంస్థ లైకా ప్రొడక్షన్స్ శ్రీరామనవమి పండగ సందర్భంగా మార్చి 29న ‘పీఎస్‌2’ ట్రైలర్‌ని విడుదల చేయబోతున్నట్లు ప్రకటించింది. ఈ మేరకు విక్రమ్‌ పాత్ర(ఆదిత్య కరికాలన్‌)తో కూడిన పోస్టర్‌ని విడుదల చేశారు.
చోళ సామ్రాజ్యంపై కుట్ర జరుగుతున్న నేపథ్యంలో దాన్ని తిరిగి దక్కించుకునే తిరిగి పోరాటం చేయడం నేపథ్యంలో రెండో భాగం సాగుతుందని తెలుస్తుంది. ఈ సినిమాలో విక్రమ్‌, కార్తీ, జయం రవి, శరత్‌ కుమార్‌, ప్రకాష్‌ రాజ్‌, ఐశ్వర్య రాయ్‌, త్రిష కీలక పాత్రలు పోషిస్తున్నారు. మణిరత్నం రూపొందించిన ఈ చిత్రాన్ని మ‌ద్రాస్ టాకీస్‌, లైకా ప్రొడక్షన్స్ బ్యాన‌ర్లు సంయుక్తంగా నిర్మించాయి. రెహ్మాన్‌ సంగీతాన్ని సమకూర్చారు. ఇటీవలే కార్తీ, త్రిష మధ్య సాగే ఆగనందే పాటను విడుదల చేయగా, మ్యూజిక్‌ లవర్స్‌ను ఆకట్టుకుంటోంది. ఇక ఈ చిత్రాన్ని తమిళంతోపాటు తెలుగు, హిందీ, కన్నడ, మలయాళ భాషల్లో కూడా పాన్‌ ఇండియా రేంజ్‌లో విడుదల చేయనున్నారు.
