Prabhas: ప్రభాస్ సరసన హీరోయిన్‌గా పాకిస్తాన్ బ్యూటీ.. ఆమె బ్యాక్ గ్రౌండ్ తెలిస్తే షాక్ అవ్వాల్సిందే?
దిశ, సినిమా: టాలీవుడ్ స్టార్ హీరో ప్రభాస్ వరుస సినిమాలతో దూసుకుపోతున్నాడు. ఇటీవల ఆయన సలార్, కల్కి వంటి బ్లాక్ బస్టర్ హిట్స్‌తో ప్రేక్షకులను అలరించాడు. అంతేకాకుండా ఈ రెండు చిత్రాలు భారీ కలెక్షన్స్ రాబట్టి బాక్సాఫీసును షేక్ చేశాయి. ప్రస్తుతం డార్లింగ్ రాజాసాబ్ షూటింగ్‌లో పాల్గొంటున్నాడు. తాజాగా, ప్రభాస్, హను రాఘవపూడి సినిమాకు సంబంధించిన పూజా కార్యక్రమాలు ప్రారంభించారు. దీనిని మైత్రీ మూవీ మేకర్స్ ఫొటోలు షేర్ చేస్తూ అధికారికంగా ప్రకటించారు. అయితే ఈ సినిమాలో ఇమాన్ ఎస్మాయిల్ హీరోయిన్‌గా నటిస్తోంది.
అయితే ప్రెస్ రిలీజ్ చేసేటప్పుడు మాత్రం మేకర్స్ ఇమాన్వి అని ప్రకటించారు. ఇక ఈ విషయం తెలుసుకున్న పాన్ ఇండియా స్టార్ ఫ్యాన్స్ ఆమె గురించి సోషల్ మీడియాలో తెగ వెతికేస్తున్నారు. అంతేకాకుండా ఆమె ఇన్‌స్టాగ్రామ్‌ను ఫాలో అవుతున్నారు. ఈ క్రమంలోనే ఇమాన్వికి సంబంధించిన పలు విషయాలు బయటకు వచ్చి నెట్టింట అమ్మడు పేరు ట్రెండింగ్ అవుతోంది.
అసలు విషయంలోకి వెళితే.. ఇమాన్ని పుట్టింది పాకిస్తాన్‌లో అయినప్పటికీ ఢిల్లిలో సెటిల్ అయింది. ఆమె స్టార్ డ్యాన్సర్, నటి, సోషల్ మీడియా ఇన్‌ఫ్లుయెన్సర్ కూడా అని సమాచారం. ఈ అమ్మడుకి సోషల్ మీడియాలో విపరీతమైన ఫాలోయింగ్ ఉంది. అయితే ఈ అమ్మడు హను రాఘవపూడి- ప్రభాస్ సినిమాతో టాలీవుడ్‌కు ఎంట్రీ ఇస్తోంది. మొట్టమొదటి మూవీతోనే పాన్ ఇండియా స్టార్ సరసన నటిస్తుండటంతో అందరి దృష్టి ఇమాన్విపై పడింది. అంతేకాకుండా ఈ అమ్మడు పేరు ఫొటోలు నెట్టింట ట్రెండింగ్‌లో ఉన్నాయి. కొంతమంది క్యూట్‌గా ఉందంటూ ప్రశంసలు కురిపిస్తూ పోస్టులు కూడా చేస్తున్నారు. మొత్తానికి ఇమాన్వి సినిమా విడుదల కాకుండానే ఫుల్ క్రేజ్ తెచ్చుకునేలా ఉంది.
