బాలయ్య ఫ్యాన్స్‌కు అదిరిపోయే న్యూస్.. ఐపీఎల్‌లో గర్జించనున్న నటసింహం
దిశ, వెబ్‌డెస్క్: ప్రపంచ వ్యాప్తంగా క్రీడాభిమానులు ఎప్పుడెప్పుడా అని ఎదురుచూస్తున్న ఇండియన్ ప్రీమియర్ లీగ్(ఐపీఎల్) మరో వారంరోజుల్లో ప్రారంభం కానుంది. 16వ సీజన్‌కు సర్వం సిద్ధమైంది. ఈనెల 31వ తేదీ నుంచి ఐపీఎల్-2023 షురూ కానుంది. తొలి మ్యాచ్ గుజరాత్ టైటాన్స్, చెన్నై సూపర్ కింగ్స్ జట్ల మధ్య అహ్మదాబాద్‌లో జరగనుంది. ఈ మ్యాచ్‌కు నటసింహా నందమూరి బాలకృష్ణ కామెంటేటర్‌గా వ్యవహరించనున్నారు. ఐపీఎల్ ప్రారంభోత్సవం రోజున స్టార్ స్పోర్ట్స్ తెలుగు కామెంట్రీ బాక్సులో ఎమ్మెస్కే ప్రసాద్, వేణుగోపాలరావుతో కలిసి బాలకృష్ణ కూర్చోనున్నారు.
ఈ మేరకు స్టార్ స్పోర్ట్స్ తెలుగు.. బాలయ్యతో ఒప్పందం చేసుకుంది. ఐపీఎల్ 2023 ప్రచారం కోసం నందమూరి బాలకృష్ణ తమతో చేతులు కలిపినట్టు స్టార్ స్పోర్ట్స్ తెలుగు ట్విట్టర్ ద్వారా ప్రకటించింది. ఈ మేరకు ఒక వీడియోను విడుదల చేసింది. బాలకృష్ణ సినిమా షూటింగ్ జరుగుతున్న చోటికే వెళ్లి ఆయనతో ఈ వీడియో చేసినట్టు అర్థమవుతోంది. బాలకృష్ణను ఆహ్వానిస్తూ ఎమ్మెస్కే ప్రసాద్, వేణుగోపాలరావు ఆయనకు బ్యాట్ అందజేశారు. ఈ సందర్భంగా బాలకృష్ణ మాట్లాడుతూ.. ‘ఐపీఎల్ 2023 కోసం స్టార్ స్పోర్ట్స్ తెలుగుతో జాయిన్ అవ్వడం చాలా ఆనందంగా ఉంది. నా ప్రేక్షకులు నన్ను నటనలో కాదు ఆటలో కూడా చూడబోతున్నారు.’ అని చెప్పారు.
ఇవి కూడా చదవండి:
