Nayanthara: నయనతార క్యారెక్టర్‌పై మమతా షాకింగ్ కామెంట్స్.. టైమ్ వేస్ట్ అంటూ
దిశ, సినిమా : ప్రముఖ నటి నయనతార క్యారెక్టర్‌పై సహనటి మమతా మోహన్ దాస్ షాకింగ్ కామెంట్స్ చేసింది. ఓ సినిమాకోసం ఆమె చేసిన పనివల్ల తాను చాలా బాధపడినట్లు తాజా సమావేశంలో తెలిపింది. ‘రజనీకాంత్ నటించిన ఓ సినిమాలో నాకు చాన్స్ వచ్చింది. ఓ పాటకోసం నన్ను సంప్రదించారు. నాలుగు రోజులపాటు షూట్ చేశాం. అయితే తీరా ఫైనల్ కాపీ బయటకు వచ్చేసరికి నా షాట్స్ ఏమీ లేవు. నాకు చెప్పిన విధంగా సాంగ్ చిత్రీకరించలేదు. కేవలం ఒక్క షాట్‌లో ఎక్కడో వెనకాల చూపించారు. అయితే ఇదంతా ఆ సినిమా మెయిన్ హీరోయిన్ నయనతార వల్లే జరిగిందని కొంతకాలానికి తెలిసింది. ‘ఆ పాటలో హీరో పక్కన మరో హీరోయిన్ ఉంటే షూటింగ్‌కు రాను’ అని నయన్ చెప్పిందట. అందుకే నా పార్ట్‌ను చిత్రీకరించలేదని మేకర్స్ వివరించారు. ఆ సినిమాకోసం నేను 4 రోజులు వృథా చేసుకున్నా. మొత్తంగా ఈ సంఘటనతో నేను చాలా బాధపడాల్సి వచ్చింది’ అంటూ చెప్పుకొచ్చింది. ఇక 2008లో వచ్చిన ‘కథానాయకుడు’లో మమతా అతిథి పాత్రలో కనిపించింది.
