బిడ్డను ప్రోత్సహించినట్లుగా ఎంకరేజ్ చేసిన నిర్మాతలు

దిశ, సినిమా : ‘అన్నీ మంచి శకునములే’ తప్పకుండా సక్సెస్ అవుతుందని నమ్మకం వ్యక్తం చేసింది హీరోయిన్ మాళవికా నాయర్. ఇందులో డిఫరెంట్ రోల్ చేశానని చెప్పుకొచ్చిన బ్యూటీ.. రెండేళ్ల క్రితమే డైరెక్టర్ నందినీ రెడ్డి తనకు ఈ కథ చెప్పారని, మార్పులు చేర్పులు చేసి చివరికి గ్రేట్ స్టోరీ డిజైన్ చేశారని తెలిపింది. ఇక ఈ చిత్రానికి నిర్మాతలుగా వ్యవహరిస్తున్న స్వప్నా దత్, ప్రియాంక దత్ క్రియేటివ్ ఇన్‌పుట్స్ బాగుంటాయని, ఒక పిల్లాడిని పేరెంట్స్ ఎలా ఎంకరేజ్ చేస్తారో అలా ప్రోత్సహిస్తారని చెప్పుకొచ్చింది. మే 18న విడుదలయ్యే ఈ చిత్రాన్ని థియేటర్స్‌లో చూసి ఎంజాయ్ చేయాలని కోరింది.