Sudheer Babu: జటాధర మూవీ ఫస్ట్ లుక్ పోస్టర్ రిలీజ్.. ఊహించని గెటప్‌తో షాకిచ్చిన సుధీర్ బాబు
దిశ, సినిమా: టాలీవుడ్ హీరో సుధీర్ బాబు గురించి ప్రత్యేకంగా చెప్పాల్సిన పని లేదు. ఆయన ఇటీవల హరోం హర సినిమాతో ప్రేక్షకుల ముందుకు వచ్చాడు. కానీ పెద్దగా మెప్పించలేకపోయాడు. ప్రజెంట్ సుధీర్ బాబు నటిస్తున్న లేటెస్ట్ మూవీ ‘జటాధర’. దీనిని వెంకట కల్యాణ్ దర్శకత్వంలో తెరకెక్కుతోంది. అలాగే శివిన్ నారంగ్, పెర్నా ఆరోరా, నిఖిల్ నందా, ఉజ్వల ఆనంద్ నిర్మిస్తున్నారు. ప్రేరణ ఆరోరా, సుధీర్ బాబు ప్రొడక్షన్ హౌస్ బ్యానర్స్‌పై తెరకెక్కుతోంది.
అయితే ఈ సినిమాకు కుసుమ ఆరోరా, సంగవరపు సాయి వరుణ్ కో ప్రోడ్యూసర్స్‌గా వ్యవహరిస్తున్నారు. తాజాగా, సుధీర్ బాబు జటాధర మూవీతో ప్రేక్షకుల ముందుకు రాబోతున్నాడు. దీనికి సంబంధించిన ఫస్ట్ లుక్ పోస్టర్ ట్విట్టర్ వేదికగా విడుదల చేసి ఫ్యాన్స్‌ను సర్‌ప్రైజ్ చేశాడు. ఇందులో సుధీర్ బాబు శివుని ముందు నగ్నంగా నిల్చొని త్రిశూలం పట్టుకుని ఉన్నాడు. ప్రజెంట్ సుధీర్ బాబు పోస్టర్ చూసిన వారంతా అస్సలు ఊహించలేదు అని షాక్ అవుతున్నారు. అయితే ఈ సినిమాకు సంబంధించిన షూటింగ్ తొందరలోనే మొదలు కాబోతున్నట్లు పోస్టర్‌లో మేకర్స్ తెలిపారు.
Click here for Twitter link : https://x.com/isudheerbabu/status/1824710650104516805
