‘సుమ అడ్డ’ షోలో రచ్చ చేసిన అరియానా, అఖిల్, తేజస్వీ
దిశ, సినిమా: ‘సుమ అడ్డా’ తాజా ఎపిసోడ్‌లో కంటెస్టెంట్ల మధ్య పెద్ద గొడవ జరిగింది. కాగా ఈ షోలో ‘బిగ్‌‌బాస్‌’ ఫేమ్ అరియానా గ్లోరీ, అఖిల్, తేజస్వి, రోల్ రైడా పాల్గొన్న ప్రోమోను నిర్వాహకులు విడుదల చేశారు. ఇందులో యాంకర్‌ సుమ.. అరియానాతో టాస్క్‌కు సంబంధించిన విషయాల గురించి మాట్లాడుతుంది. ఇంతలోనే అఖిల్ జోక్యం చేసుకుని ‘ఏంటి రెండు లక్షలు ఇచ్చి.. ఈమెనా తీసుకొచ్చింది నువ్వు’ అంటూ కించపరిచాడు.
దీంతో కోపం వచ్చిన అరియానా.. ‘చెంప పగుల్తది. నీ బడ్జెట్‌కి నేనే ఎక్కువ’ అంటూ రెచ్చిపోయింది. అలాగే మధ్యలో తేజస్వీ కలగజేసుకుని ‘నువ్వు కొత్తగా ఇండస్ట్రీకి వచ్చిన బాల్ బచ్చ’ అంటూ అఖిల్‌ని వెటకారంగా మాట్లాడటంతో షో నుండి అఖిల్ వెళ్లిపోయాడు. ఈ ప్రోమో చూసిన ప్రేక్షకులు.. ‘ఈ టీవీలో ఇలాంటి టీఆర్‌పీ స్టంట్స్ చాలా చూశాం’ అంటూ కామెంట్స్ చేస్తున్నారు. పూర్తి ఎపిసోడ్ కోసం శనివారం మార్చి 4న ప్రసారమయ్యే ఈ షో చూడండి.
