ఆ క్యారెక్టర్లు బోర్ కొట్టేశాయి.. అందుకే రూట్ మార్చేశా: Huma Qureshi
దిశ, సినిమా: సినిమాలో ఫ్యాషన్‌గా ఉండటం కంటే తాను పోషించిన పాత్రలు జనాలను చైతన్యవంతులను చేయాలనే కోరుకుంటానని చెప్తోంది హ్యూమా ఖురేషి. ఆమె నటించిన నయా మూవీ ‘తర్లా’ జూలై 7న విడుదల కాబోతున్న సందర్భంగా ఓ చానెల్‌తో మాట్లాడిన నటి.. ఇందులో నటించిన గృహిణి పాత్రకు ఇప్పటికే ప్రశంసలు అందుకోవడంపై హ్యాపీగా ఫీల్ అయింది. అలాగే కొంతకాలంగా భిన్నమైన పాత్రలు పోషించడానికి బలమైన కారణం ఉందన్న నటి.. అందంగా కనిపించాలనే ఆలోచనలను మదిలో నుంచి తొలగించానని చెప్పింది. ‘గ్లామర్, బోల్డ్‌, ఫ్యాషన్‌గా కనిపించడం కన్నా నా పాత్రతోనే జనాలకు సహకారం అందించాలనుకుంటున్నా. ఈ క్రమంలో ఒకదానితో మరొకటి పోలిక లేని పాత్రలను మాత్రమే ఎంపిక చేసుకుంటున్నా. ఈ సినిమాకు ముందు ‘మోనికా ఓ మై డార్లింగ్’, ‘డబుల్ ఎక్స్‌ఎల్’, ‘మహారాణి’ వంటి ప్రాజెక్ట్స్ కూడా ఇలాంటివే’ అని చెప్పింది.
Read More: మొగుడి కన్నా పశువులు నయం.. పెళ్లితో వచ్చేది లేదు పోయేది లేదు : Sadha
