ప్రముఖ జ్యోతిష్యుడు వేణుస్వామి గంటకు ఎంత తీసుకుంటారో తెలుసా?
దిశ, సినిమా: ప్రముఖ జ్యోతిష్యుడు వేణుస్వామి గురించి సుపరిచితమే. ఈయన స్టార్ సెలబ్రిటీలు, రాజకీయ నాయకుల గురించి జోస్యం చెబుతూ తరచూ వార్తల్లో నిలుస్తారు. గతంలో టాలీవుడ్ హీరోయిన్ సమంత- అక్కినేని నాగచైతన్య విడిపోతారని చెప్పాడు. పెళ్లైన నాలుగేళ్లకే వీరిద్దరు డివోర్స్ తీసుకున్నారు. దీంతో జనాలంతా వేణు స్వామి ఏం చెప్పినా ఆందోళన చెందుతారు.
మొన్న తెలంగాణ ఎలక్షన్స్‌లో మాత్రం ఈయన చెప్పిన జాతకం పూర్తిక రివర్స్ అయ్యింది. మళ్లీ తెలంగాణలో మూడో సీఎంగా కేసీఆర్ గెలుస్తారని, గెలవకపోతే తను జోస్యం చెప్పడం మానేస్తానని బల్ల గుద్ది చెప్పారు. కానీ ముఖ్యమంత్రిగా రేవంత్ రెడ్డి గెలిచాడు. వేణుస్వామి అంచనాలు పూర్తిగా తలకిందులవ్వడంలో సోషల్ మీడియాలోని పలువురు నెటిజన్లు ఈ జ్యోతిష్యుడిపై దారుణంగా కామెంట్లు చేశారు.
అయితే తాజాగా వేణు స్వామి జాతకం చెబితే గంటకు ఎంత తీసుకుంటారంటూ నెట్టింట ఓ వార్త హల్ చల్ చేస్తోంది. వేణుస్వామి గంటకు 5 వేలు తీసుకుంటానని, ఈయనకు రెండు బిజినెస్‌లు ఉన్నాయని, అవి.. ఒకటి పబ్. మరొకటి జ్యోతిష్యం. ఈ విషయాన్ని స్వయంగా వేణుస్వామినే తన నోటితో చెప్పారంటూ సోషల్ మీడియాలోని నెటిజన్లు ఈ వార్త వైరల్ చేస్తున్నారు.
