సల్మాన్ ఖాన్ 2010 నుంచి 2024 వరకు ప్రపంచవ్యాప్త బాక్స్ ఆఫీస్ వద్ద ఎన్ని కోట్లను సమకూర్చాడంటే..?
దిశ,వెబ్ డెస్క్ : కండల వీరుడు సల్మాన్ ఖాన్ తన బ్లాక్‌బస్టర్ చిత్రాలతో ప్రేక్షకులను మూడు దశాబ్దాలకు పైగా అలరిస్తున్నాడు. అతను తన నటనతో అభిమానుల హృదయాలలో స్థిరంగా నిలిచిపొయాడు.ఈ మధ్యకాలంలో బాలీవుడ్ సూపర్ స్టార్ సల్మాన్ ఖాన్ కోలీవుడ్ స్టార్ డైరెక్టర్ ఏఆర్ మురుగదాస్ దర్శకత్వంలో వచ్చిన చిత్రం సికందర్. ఈ సినిమాలో రష్మిక మందన్న, కాజల్ అగర్వాల్ కీలక పాత్రలు పోషించారు. అయితే సల్మాన్ ఖాన్ 2010 నుంచి 2024 వరకు ప్రపంచవ్యాప్తంగా బాక్స్ ఆఫీస్ వద్ద రూ.6200 కోట్ల లను సమకూర్చాడు.
దబాంగ్, రెడీ, బాడీగార్డ్, ఏక్ థా టైగర్, దబాంగ్ 2, జై హో, కిక్, బజరంగీ భాయ్‌జాన్, ప్రేమ్ రతన్ ధన్ పాయో, ట్యూబ్‌లైట్, టైగర్ జిందా హై, రేస్ 3, భారత్, దబాంగ్ 3, రాధే, కిసీ కా భాయ్ కిసీ కీ జాన్, టైగర్ 3 వరకు, అతను 17 చిత్రాలను అందించాడు. ఇవన్నీ బాక్స్ ఆఫీస్ బ్లాక్‌బస్టర్‌లు. సికందర్ చేరికతో 18 వరుసగా 100 కోట్లకు పైగా కలెక్షన్ సాధించాయి. అతని అద్భుతమైన ఆన్-స్క్రీన్ స్వాగ్, థియేటర్లలో అతని అద్వితీయమైన ప్రేక్షక ఆకర్షణ, అతని అపారమైన స్టార్‌డమ్‌తో, అతను ప్రతి విడుదలతో చరిత్ర సృష్టించాడు. సికందర్ చిత్రం ప్రపంచవ్యాప్త బాక్స్ ఆఫీస్ వద్ద ₹200 కోట్ల కలెక్షన్ దాటింది. ప్రపంచవ్యాప్తంగా ప్రేక్షకుల నుంచి అపారమైన ప్రేమను అందుకుంటోంది.
