Double iSmart ట్రైలర్ రిలీజ్.. మాస్ డైలాగ్స్‌తో అదరగొట్టిన రామ్
దిశ, సినిమా: టాలీవుడ్ యంగ్ హీరో రామ్ పోతినేని, పూరి జగన్నాథ్ కాంబినేషన్‌లో రాబోతున్న మూవీ డబుల్ ఇస్మార్ట్. ఈ మూవీ బ్లాక్ బస్టర్ 2019లో వచ్చిన ఇస్మార్ట్ శంకర్ మూవీకి సీక్వెల్‌గా తెరకెక్కుతోంది. అయితే ఈ చిత్రాన్ని పూరి జగన్నాథ్, చార్మి నిర్మిస్తున్నారు. ఈ మూవీలో కావ్య థాపర్ హీరోయిన్‌గా నటిస్తుండగా.. సంజయ్ దత్ విలన్‌గా కనిపించనున్నారు. అయితే ఈ సినిమా ఆగస్టు 15న రిలీజ్ కాబోతుంది.
ఇప్పటికే డబుల్ ఇస్మార్ట్ నుండి విడుదలైన అప్డేట్స్ అన్ని భారీ అంచనాలను పెంచేశాయి. తాజాగా, డబుల్ ఇస్మార్ట్ ట్రైలర్‌ను విడుదల చేశారు మేకర్స్. ఇందులో రామ్ మాస్ డైలాగ్స్, యాటిట్యూడ్, కామెడీ అందరినీ ఆకట్టుకుంటుంది. అలాగే అలీ, రోహిణి కామెడీ ప్రేక్షకులను కడుపుబ్బా నవ్విస్తోంది. రామ్ పోతీనేని హీరోయిన్స్‌తో చెప్పే డైలాగ్స్ అందరినీ మెప్పిస్తున్నాయి. ముఖ్యంగా చివరలో శివలింగం ముందు చేసిన ఫైటింగ్ ట్రైలర్ మొత్తానికి హైలెట్‌గా నిలిచింది.
