కుమారి ఆంటీ దగ్గర కర్రీస్ తీసుకెళ్లిన ఎన్టీఆర్.. ఫుడ్ తిని మరో స్టార్ హీరో ఎంతిచ్చాడో తెలిస్తే షాక్

దిశ, సినిమా: నెట్టింట కుమారి ఆంటీ ఫుడ్ స్టాల్ వీడియోలు వైరల్ కావడంలో.. గత కొద్ది రోజులుగా సోషల్ మీడియాలో కుమారీ ఆంటీ పేరు మారుమోగుతోంది. గుడివాడ నుంచి హైదరాబాద్ నగరానికి వచ్చి ఇక్కడ రోడ్ సైడ్ మధ్యాహ్నం భోజనం అమ్ముకుంటూ జీవనం కొనసాగిస్తుంది. ఆంటీ ఫుడ్ వీడియోలు వైరలైనప్పటి నుంచి జూబ్లీహిల్స్‌లో ఉన్న కుమారి ఆంటీ ఫుడ్ సెంటర్ వద్దకు కుమారి ఆంటీ చేతి వంట రుచి చూసేందుకు జనాలు భారీ సంఖ్యలో తరలి వస్తున్నారు.

యూట్యూబర్లతో పాటు కొన్ని మీడియా సంస్థలు కూడా ఈమె ఇంటర్వ్యూల కోసం ఎగబడుతున్నాయి. ఆంటీ ఫుడ్ సెంటర్ వల్ల ట్రాఫిక్‌కు అంతరాయం కలుగుతుందని అధికారులు.. కుమారీ ఆంటీ ఫుడ్ సెంటర్‌ను తొలగించాలని చెప్పారు. దీంతో సాక్షాత్తూ సీఎం రేవంత్‌ రెడ్డి స్పందించడంతో ఈమె క్రేజ్ మరింతగా పెరిగింది.

తాజా ఇంటర్వ్యూలో కుమారీ ఆంటీ.. కొందరు టాలీవుడ్‌ సెలబ్రిటీలు కూడా తన ఫుడ్‌ సెంటర్ వద్ద కర్రీస్‌ తీసుకెళ్లారని వెల్లడించింది. జూనీయర్ ఎన్టీఆర్‌, అలీ కూడా తన కస్టమర్లేనని, వారు కూడా తన ఫుడ్ స్టాల్ నుంచి కర్రీస్ తీసుకెళ్లారని చెప్పింది. రీసెంట్‌గా ‘ఊరి పేరు భైరవ కోన’ సినిమా ప్రమోషన్లలో భాగంగా సందీప్‌ కిషన్‌ తన ఫుడ్‌ స్టాల్‌కు వచ్చి.. ఫుడ్ టేస్ట్ చేశాడని, అనంతరం ఆమె చేతిలో పది వేలు పెట్టాడని కుమారీ ఆంటీ తెలిపింది.

తన ఫుడ్ సెంటర్ ట్రాఫిక్‌కు ఇబ్బంది కలిగిస్తుందని పోలీసులు క్లోజ్‌ చేయించినప్పుడు సందీప్ కిషన్‌.. తనకు చేతనైన సహాయం చేస్తానని సపోర్ట్‌గా ట్వీట్ పెట్టాడని పేర్కొంది. అలాగే ఫుడ్ స్టాల్‌ సీఎం దయ వల్ల రీఓపెన్ అయ్యాక.. ముఖ్యమంత్రి రేవంత్ రెడ్డికి సందీప్ కిషన్ స్పెషల్ గా థాంక్స్ చెప్పారని కుమారీ ఆంటీ చెప్పుకొచ్చింది.