మరోసారి హాట్ టాపిక్ గా జేపీ నడ్డా-నితిన్ భేటీ వార్త.. పాపం అంటున్న నెటిజన్స్
దిశ, వెబ్‌డెస్క్ : ఇటీవల అమిత్ షా జూనియర్ ఎన్టీఆర్‌తో సమావేశమైన విషయం తెలిసిందే. అనంతరం జేపీ నడ్డా తెలుగు హీరో నితిన్‌తో సమావేశమయ్యారు. ఇలా రాజకీయ పెద్దలు సినిమా హీరోలతో సమావేశం అవ్వడం చిత్ర పరిశ్రమలో రాజకీయ ప్రకంపనలు సృష్టించాయి. అసలు ఏం జరుగుతుందని, అటు సినీ వర్గాలు, ఇటు ప్రజలు ఎంతో ఆతృతగా ఎదురు చూశారు. కానీ ఈ సమావేశాలపై ఇద్దరు హీరోల నుంచి ఎటువంటి స్పందన లేదు. కాగా దీనికి సంబంధించిన ఓ వార్త సోషల్ మీడియాలో తెగ వైరల్ అవుతుంది. దీనిపై పలువురు పలువిధాలుగా స్పందిస్తూ తమ అభిప్రయాలను వ్యక్తం చేస్తున్నారు.
అసలేమైదంటే.. జాతీయ బీజేపీ అధ్యక్షుడు జేపీ నడ్డా.. హీరో నిఖిల్‌ను కలవాలనుకున్నాడంట. ఇటీవల ఆయన నటించిన కార్తికేయ 2 బిగ్ బ్లాక్ బస్టర్ హిట్ అయిన విషయం తెలిసిందే. శ్రీకృష్ణుడి ద్వారక అంశంతో తెరకెక్కిన ఈ సినిమా హిందూ వర్గాల నుండి ఆదరణ సంపాదించుకుంది. అందువలన నిఖిల్ తో భేటీ పార్టీకి ప్లస్ అయ్యే అవకాశం ఉందని నడ్డా ఊహించారంట.
కానీ ఆయన ఊహించినదానికి రివర్స్ జరిగిందంట. లోకల్ బీజేపీ లీడర్స్ నిఖిల్ కి బదులు కన్ఫ్యూజన్ లో నితిన్ తో భేటీ ఏర్పాటు చేశారట. ప్రస్తుతం ఈవార్త సోషల్ మీడియాలో ట్రెండ్ అవుతుంది. అయితే వైరల్ అవుతున్న ఈ వార్తలో నిజం ఎంత ఉందొ తెలియదుగానీ దీనిపై నితిన్ అభిమానులు మాత్రం ఫైర్ అవుతున్నారు. మరికొందరు అసలే మాచర్ల నియోజక వర్గం సినిమా ఫ్లాప్‌తో బాధలో ఉన్న హీరోను అవమానించారని, పాపం నితిన్ అంటూ తమ అభిప్రాయాలను సోషల్ మీడియా వేదికగా తెలుపుతున్నారు.
