టాలీవుడ్‌లో మళ్లీ రిపీట్ అవుతున్న సూపర్ హిట్ జంటలివే?
దిశ, వెబ్‌డెస్క్: టాలీవుడ్‌లో కొంతమంది హీరో, హీరోయిన్ల జంటలను ప్రేక్షకులు బాగా ఇష్టపడుతారు. వారు మళ్లీ కలిసి నటిస్తే బాగుండని ఎదురుచూస్తారు. అందుకు కారణం ఈ రీల్ కపుల్స్ మధ్య ఉండే కెమిస్ట్రీ ఆడియన్స్‌ను ఎంతగానో ఆకట్టుకోవడం. ఇలా మన టాలీవుడ్‌లో కలిసి మళ్లీ రిపీట్ కాబోతున్న సూపర్ హిట్ జోడీలను ఒకసారి చూద్దాం. యూత్‌కు బాగా కనెక్ట్ అయిన ‘లవ్ స్టోరీ’ చిత్రంలో నటించిన నాగచైతన్య-సాయిపల్లవి కాంబోలో మరో సినిమా తెరకెక్కనుంది. చందు మొండేటి దర్శకత్వం వహిస్తున్నాడు.
చాలా ఏళ్ల తర్వాత లోకేష్ కనకరాజ్ దర్శకత్వంలో వస్తున్న ‘లియో’ సినిమాలో విజయ్ దళపతి-త్రిష ‘లియో’ కలిసి నటిస్తున్నారు. రామ్ చరణ్‌తో కియారా అద్వాణీ కలిసి గతంలో ‘వినయ విధేయ రామ’ సినిమాలో నటించారు. తాజాగా ఈ బ్యూటీఫుల్ పెయిర్ ‘గేమ్ ఛేంజర్’ సినిమాలో మరోసారి కలిసి నటిస్తున్నారు. అలాగే ధమాకా చిత్రంతో బ్లాక్ బస్టర్ హిట్ అందుకున్న రవితేజ-యంగ్ సెన్సేషనల్ హీరోయిన్ శ్రీలీల మరోసారి జతకట్టబోతున్నారని సమాచారం. ఇక మెగాస్టార్ చిరంజీవి-అనుష్క శెట్టి, మెగా 157లో కలిసి నటించనున్నారని టాక్ వినిపిస్తోంది.
