మేజర్‌కు అల్లు అర్జున్ సెల్యూట్.. స్పెషల్ ట్వీట్
దిశ, సినిమా : ప్రస్తుతం తెలుగు రాష్ట్రాల్లో 'మేజర్' మూవీ మేనియా కొనసాగుతోంది. శుక్రవారం విడుదలై మంచి విజయం సాధించిన చిత్రంలో నటుడు అడివి శేష్.. మేజర్ సందీప్ ఉన్నికృష్ణన్ పాత్రలో జీవించేశాడు. దీంతో ఈ మూవీ చూసిన ఇండస్ట్రీ ప్రముఖులు సోషల్ మీడియా వేదికగా తమ అభిప్రాయాలను తెలియజేస్తున్నారు. ఇదిలా ఉంటే.. రీసెంట్‌గా 'మేజర్' మూవీ చూసిన అల్లు అర్జున్ ట్విట్టర్‌లో మూవీ టీమ్‌కు అభినందనలు తెలిపారు.
ఈ చిత్రం ప్రతీ భారతీయుడి గుండెను తాకుతుంద‌ని, అడివి శేష్ త‌న న‌ట‌న‌తో మ‌రోసారి మ్యాజిక్ చేశాడ‌ని పేర్కొన్నారు. అంతేకాదు ప్రకాష్‌రాజ్‌, రేవ‌తి, శోభితా ధూళిపాల స‌హా ఇత‌ర ఆర్టిస్టులందరూ వారి పాత్రల‌కు న్యాయం చేశార‌ని, శ్రీ చ‌ర‌ణ్ పాకాల సంగీతం అద్భుతంగా ఉంద‌న్నాడు. శ‌శి కిర‌ణ్ టిక్కా సినిమాను అద్భుతంగా తెర‌కెక్కించాడ‌ని ప్రశంసిస్తూ.. ప్రేక్షకుల హృద‌యాల‌ను తాకే గొప్ప సినిమాను నిర్మించినందుకు ప్రొడ్యూస‌ర్ మ‌హేశ్ బాబును గౌర‌వంగా అభినందిస్తున్నట్లు ట్వీట్ చేశాడు. కాగా ప్రస్తుతం ఈ పోస్ట్ నెట్టింట వైర‌ల్‌గా మారింది.
Big congratulations to the entire team of #MajorTheFilm. A very heart touching film . Man of the show @AdiviSesh does his magic once again. Impactful support by @prakashraaj ji , Revathi , @saieemmanjrekar, #SobhitaDhulipala & all artists . Mind blowing Bsm by @SricharanPakala
— Allu Arjun (@alluarjun) June 4, 2022
