రజనీకాంత్‌కు ప్రధాని మోడీ నుంచి స్పెషల్ మెసేజ్
దిశ, సినిమా: సూప‌ర్‌స్టార్ రజనీకాంత్ గురించి ప్రత్యేకంగా చెప్పాల్సిన అవసరం లేదు. బస్ కండక్టర్ స్థాయి నుంచి తన స్టైల్‌, నటనతో సూపర్ స్టార్‌గా ఎదిగిన ఆయన జర్నీ ప్రతీ ఒక్కరికి స్ఫూర్తిదాయకం. భాష, ప్రాంతంతో సంబంధం లేకుండా విలక్షణ నటనతో అశేష ప్రేక్షకాభిమానాన్ని పొందిన రజనీ.. నేడు 71 వ వసంతంలోకి అడుగు పెడుతున్నారు. ఈ సందర్భంగా సామాన్యుల నుంచి సెలబ్రిటీల వరకు తలైవాకు పుట్టినరోజు శుభాకాంక్షలు చెబుతున్నారు. ఈ క్రమంలోనే దేశ ప్రధాని నరేంద్ర మోడీ సైతం ట్విట్టర్‌లో రజనీకి బర్త్‌డే విషెస్ తెలియజేశారు. ‘రజనీకాంత్ జీ.. మీ సృజనాత్మకత, అద్భుతమైన నటనతో ప్రజలను ఇన్‌స్పైర్ చేస్తూనే ఉండండి.
ఆ దేవుడు మీకు ఆయురారోగ్యాలతో కూడిన జీవితాన్ని అనుగ్రహిస్తారని ఆశిస్తున్నాను’ అంటూ ట్వీట్ చేశారు. అయితే ప్రధాని ట్వీట్‌పై మిశ్రమ స్పందన వ్యక్తం చేస్తున్న నెటిజన్లు.. రజనీ నటనను పొగడటం పట్ల ‘మీరు సూపర్ స్టార్ రజనీ నటించిన ఏ చిత్రం చూశారు? అని ప్రశ్నిస్తున్నారు. అదే సమయంలో శనివారం గ్రేట్ పోయెట్, ఫ్రీడమ్ ఫైటర్ సుబ్రమణ్య భారతీయర్ జయంతి సందర్భంగా గురించి ఎందుకు ట్వీట్ చేయలేదని మోడీని ఉద్దేశించి కామెంట్ చేస్తున్నారు.
A very happy birthday to @rajinikanth Ji. May he keep inspiring people with his creativity and phenomenal acting. May Almighty bless him with a long and healthy life.
— Narendra Modi (@narendramodi) December 12, 2021
