లాస్ ఏంజెల్స్ 2028 లోగో విడుదల

దిశ, స్పోర్ట్స్ : 2028లో లాస్ ఏంజెల్స్ (Los Angeles) వేదికగా నిర్వహించనున్న ఒలింపిక్స్, పారా ఒలంపిక్స్ (Olympics, Paralympics) క్రీడల లోగోను నిర్వాహకులు విడుదల చేశారు. ‘ఎన్నటికీ మారుతూ ఉండే A’ అంటూ నిర్వాహకులు పేర్కొన్నారు. ఈ లోగోలోని ‘ఏ’ అక్షరాన్ని అభిమానులు, ఇతర సంస్థలు తమకు ఇష్టం వచ్చినట్లు మార్చుకోవచ్చని నిర్వాహకులు వెల్లడించారు.

ఏ (A) అక్షరం ద్వారా అనేకమైన కథనాలు సృష్టించుకోవచ్చని చెబుతున్నారు. ప్రస్తుత డిజిటల్ తరానికి తగ్గట్లుగా లోగోను సిద్ధం చేసినట్లు.. లాస్ ఏంజెల్స్‌కు సంబంధించి ఎన్నో కథలు ఈ లోగో ద్వారా రాబోయే కాలంలో వివరిస్తామని నిర్వాహకులు తెలిపారు. ప్రస్తుతం విడుదల చేసిన లోగో వైరల్‌గా మారింది. ఈ ఏనిమిది ఏళ్లలో లాస్ ఏంజెల్స్ (Los Angeles) లోగోను మరింత విస్తృతంగా ప్రచారం చేయాలని నిర్వాహకులు భావిస్తున్నారు. అభిమానులు తమకు ఇష్టమైన ‘ఏ’ డిజైన్ నిర్వాహకులు పంపవచ్చు. వీటిలో ఆసక్తికరంగా ఉండే దాన్ని సామాజిక మాధ్యమాల్లో ప్రసారం చేస్తారు.