Giloy Plant : ఈ ఆయుర్వేద ఆకుతో 100 కంటే ఎక్కువ ప్రయోజనాలు.. అవేంటో చూసేద్దామా..

దిశ, ఫీచర్స్ : ఆయుర్వేదంలో గిలోయ్ ( తిప్పతీగ )ను ముఖ్యమైన ఔషధంగా పరిగణిస్తారు. ఎందుకంటే ఆ ఆకును వినియోగిస్తే అనేక ఆరోగ్య ప్రయోజనాలు కలుగుతాయని ఆయుర్వేద వైద్య నిపుణులు చెబుతున్నారు. దాని రుచి చేదుగా ఉన్నప్పటికీ ఎన్నొ దీర్ఘకాలిక వ్యాధులను నివారిస్తుంది. కరోనా కాలంలో, చాలా మంది ప్రజలు గిలోయ్‌ని ఇంటి ఔషధంగా వినియోగించారు. గిలోయ్‌ను అమృత, చిన్నరోహ అని కూడా పిలుస్తారు. దీని ఆకులు సరిగ్గా తమలపాకులానే ఉంటాయి.

NCBIలో ప్రచురించబడిన ఒక అధ్యయనం ప్రకారం తిప్పతీగలో యాంటీఆక్సిడెంట్, యాంటీ ఇన్ఫ్లమేటరీ లక్షణాలు కనిపిస్తాయి. అంతే కాకుండా గిలెటిన్, టెనోస్పోరిన్, టెనోస్పోరిక్ యాసిడ్, ఐరన్, పామేరియన్, ఫాస్పరస్, కాపర్, కాల్షియం, జింక్ మొదలైన పోషకాలు కూడా ఇందులో ఉన్నాయి.

రోగనిరోధక శక్తికి బూస్టర్..

కొంతమంది తిప్పతీగను జ్యూస్ రూపంలో తీసుకుంటే, కొంతమంది దాని పొడిని తీసుకుంటారు. గిలోయ్ తినడం వల్ల రోగనిరోధక శక్తి పెరుగుతుంది. ఈ తిప్పతీగ అనేక రకాల వ్యాధుల నుండి దూరంగా ఉంచుతుంది. ఇది రోగనిరోధక శక్తిని పెంచడానికి ఎంతగానో కృషి చేస్తుంది. వాతావరణంలో మార్పు వల్ల కలిగే సమస్యలు, అలెర్జీలు లేదా ఇన్ఫెక్షన్ల నుండి రక్షించడంలో కూడా ఇది సహాయపడుతుంది.

జీర్ణశక్తిని పెంచుతుంది..

కడుపు సంబంధిత సమస్యలు ఉంటే, మీరు తిప్పతీగ తీసుకోవడం ద్వారా ఉపశమనం పొందవచ్చు. కడుపు ఉబ్బరం, మలబద్ధకం, అసిడిటీ మొదలైన అనేక వ్యాధులకు ఇది దివ్యౌషధం. ఖాళీ కడుపుతో గిలోయ్ జ్యూస్ తాగడం వల్ల జీర్ణక్రియ మెరుగుపడుతుంది. ఇది కడుపుని సరిగ్గా శుభ్రపరుస్తుంది. ఇతర వ్యాధుల ప్రమాదాన్ని కూడా తగ్గిస్తుంది.

కురుపులు, మొటిమల నుంచి ఉపశమనం..

ముఖం మీద మొటిమలు, శరీరంలోని ఇతర భాగాల పై దద్దుర్లు, కురుపులు మొదలైన వాటి విషయంలో కూడా గిలోయ్ ఉపయోగించవచ్చు. దీంతో బ్లడ్ డిజార్డర్స్, అనేక రకాల చర్మసమస్యలు నయమవుతాయి. ఇది యాంటీ ఏజింగ్ లక్షణాలను కలిగి ఉన్నందున, ఇది ముడతలు, ఫైన్ లైన్స్, డార్క్ స్పాట్‌లను కూడా తగ్గిస్తుంది. గిలోయ్ ముఖానికి సహజమైన మెరుపును తెస్తుంది.

ఆస్తమా, ఆర్థరైటీస్..

ఆస్తమా రోగులు తిప్పతీగ జ్యూస్ తాగడం చాలా ఉపయోగకరంగా ఉంటుంది. అంతే కాకుండా దీని వేరును నమలడం వల్ల కూడా ఉపశమనం లభిస్తుంది. ఛాతీ బిగుతు, దగ్గు, శ్వాస తీసుకోవడంలో ఇబ్బందిని తగ్గించడానికి గిలోయ్ సేవించవచ్చు. గిలోయ్ యాంటీ ఇన్ఫ్లమేటరీ లక్షణాలతో నిండి ఉంది. అందుకే ఇది నొప్పి నుండి ఉపశమనం పొందడంలో సహాయపడుతుంది. ఆర్థరైటిస్‌తో బాదపడుతున్నవారు ఉదయం, సాయంత్రం ఖాళీ కడుపుతో ఈ ఆకులను తినవచ్చు.

కళ్ల ఆరోగ్యం..

ఎక్కువ సేపు ల్యాప్‌టాప్ లేదా కంప్యూటర్ ముందు కూర్చొని పనిచేయడం లేదా ఫోన్‌ను ఎక్కువగా ఉపయోగించడం వల్ల కూడా కంటి చూపు బలహీనపడుతుంది. కంటి మంట లేదా కళ్లలో నీరు కారడం అనేది ఈ రోజుల్లో సాధారణ సమస్యగా మారింది. అంతే కాకుండా గ్లాకోమా, క్యాటరాక్ట్, క్యాటరాక్ట్ తదితర కంటి సంబంధిత వ్యాధులు కూడా వేగంగా పెరుగుతున్నాయి. గిలోయ్ ఆకులలో కాల్షియం, ఫాస్పరస్ ఉంటాయి. దీని రసంలో తేనె కలుపుకుని ఉదయం, సాయంత్రం తాగితే కంటి చూపు మెరుగవడంతో పాటు కంటి సంబంధిత వ్యాధులు రాకుండా ఉంటాయి.

రక్తహీనత, గుండె ఆరోగ్యానికి గిలోయ్..

శరీరంలో రక్తం లేకపోవడాన్ని భర్తీ చేయడానికి, మీరు గిలోయ్ తినవచ్చు. ఇది కాకుండా గిలోయ్ మన గుండె ఆరోగ్యానికి కూడా చాలా మేలు చేస్తుంది. ఇది రక్తపోటును అదుపులో ఉంచుతుందంటున్నారు ఆయుర్వేద వైద్యనిపుణులు. అలాగే మన గుండె సక్రమంగా పనిచేస్తుందని చెబుతున్నారు.

*గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.