గోడలపై నల్లటి మచ్చలు ఏర్పడ్డాయా.. ఈ సింపుల్ టిప్స్ తో క్షణాల్లో శుభ్రం చేసుకోండి..
దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : ఓ వైపు వర్షాలు, మరో వైపు పండుగ సీజన్. పండగ సీజన్ కాబట్టి ఇంటికి ఎవరో ఒకరు అతిథులు వస్తూనే ఉంటారు. అలా వచ్చే అతిథుల కళ్ళు ఇళ్లు ఎంత శుభ్రంగా పెట్టుకున్నారో అన్నదానిపైనే ఉంటాయి. అందుకే పండగకి ముందే ప్రతి ఒక్కరూ తమ ఇళ్లను శుభ్రం చేయడం ప్రారంభిస్తారు. ఇంటికి అందమైన రూపాన్ని ఇవ్వడంలో ఎంత కష్టమైనా పడతారు. అయితే వర్షాకాలం కావడంతో ఇంటి గోడల పై ఉన్న మురికిని తొలగించేందుకు ఖరీదైన పెయింట్‌ను వేస్తూ ఉంటారు. ఇంకొంతమంది బడ్జెట్ ప్రాబ్లంతో గోడలను శుభ్రం చేసుకునేందుకు కడుగుతూ కుస్తీ పడతారు. అంత కష్టపడకుండా సింపిల్ చిట్కాలతో గోడలను శుభ్రం చేయవచ్చు. మరి అది ఎలాగో ఇప్పుడు తెలుసుకుందాం.
డిష్ సోప్..
మచ్చలు ఉన్న గోడలను మెరిసేలా చేసేందుకు డిష్ సబ్బు సహాయం తీసుకోవచ్చు. దాంతో పాటు గోడను శుభ్రపరిచేందుకు మైక్రోఫైబర్ లేదా డస్టర్‌తో ఉపయోగించవచ్చు. ఇప్పుడు 1 బకెట్ వేడి నీటిలో డిష్ సోప్ కలపండి. అందులో మెత్తని స్పాంజ్‌ని నానబెట్టి, పిండండి. ఆ తర్వాత గోడలపై ఉన్న మరకల దగ్గర రుద్దండి. ఆ తరువాత శుభ్రమైన వేడి నీటిలో ఒక గుడ్డను నానబెట్టి, గోడలను తుడవండి. ఇది గోడను పూర్తిగా శుభ్రంగా, మెరిసేలా చేస్తుంది.
బేకింగ్ సోడా..
వంటగది గోడల పై ఆవిరి గుర్తులు ఏర్పడతుంటాయి. దీని కారణంగా గోడలు నల్లగా కనిపిస్తాయి. అలాంటప్పుడు బేకింగ్ సోడా సహాయంతో గోడల పై నలుపును తొలగించవచ్చు. దీని కోసం సగం బకెట్ వేడి నీటిలో అర కప్పు బేకింగ్ సోడా కలపండి. ఇప్పుడు ఈ మిశ్రమాన్ని స్ప్రే బాటిల్‌లో నింపి గోడల పై చిలకరించి 20-25 నిమిషాల పాటు ఆరిన తర్వాత బేకింగ్ సోడా ద్రావణంలో గుడ్డను ముంచి గోడలను తుడవాలి. చివరగా శుభ్రమైన గోరువెచ్చని నీటిలో ఒక గుడ్డను పిండి గోడలను తుడవండి. దీంతో నలుపు వెంటనే పోతుంది.
బ్లీచ్‌..
డిష్ సోప్ లేదా బేకింగ్ సోడాతో కూడా గోడల పై మొండి మరకలను తొలగించకపోతే బ్లీచ్‌తో శుభ్రం చేయండి. దీని కోసం, ఒక భాగం బ్లీచ్‌ను నాలుగు రెట్లు ఎక్కువ నీటిలో కలపండి. తరువాత మరక పై అప్లై చేసి రుద్దండి. కానీ బ్లీచ్‌తో శుభ్రం చేయడానికి ముందు, మీ చేతులకు చేతి తొడుగులు ధరించాలని మాత్రం గుర్తుంచుకోండి.
ఈ విషయాలను గుర్తుంచుకోండి..
గోడలను శుభ్రం చేసేటప్పుడు కొన్ని విషయాలను విస్మరిస్తే పెయింటింగ్ ఊడిపోవచ్చు. గోడలను శుభ్రం చేయడానికి హార్డ్ క్లీనింగ్ ఏజెంట్లను ఉపయోగించవద్దు. మృదువైన స్క్రబ్ లేదా మృదువైన గుడ్డతో గోడను సున్నితంగా రుద్దాలి. ఎందుకంటే గట్టి వస్తువు సహాయంతో గట్టిగా రుద్దితే గోడల పై ఉన్న పెయింట్ ఊడిపోతుంది.
గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు.
