ఆ వీడియోలను షేర్ చేసిన జాన్వీ కపూర్.. నెటిజన్ల రియాక్షన్ ఇదే..
దిశ, సినిమా : సెలబ్రిటీలు, సినీ తారలకు మంచి గుర్తింపు తేవడంలో సోషల్ మీడియా కీలకపాత్ర పోషిస్తుందనడంలో ఎలాంటి సందేహం లేదు. అందుకే ప్రతి ఒక్కరూ ఇన్‌స్టా, ఫేస్‌బుక్, ఎక్స్(ట్విట్టర్), వాట్సాప్ ఛానల్ వంటి మోస్ట్ పాపులర్ సోషల్ మీడియా ప్లాట్ ఫామ్‌లలో అభిమానులకు టచ్‌లో ఉంటారు. అయితే అభిమాన హీరో హీరోయిన్ల బాడీ ఇమేజింగ్, గ్లామర్ వంటివి అభిమానుల్లో, నెటిజన్లలో క్యూరియాసిటీని పెంచుతుంటాయి. దీంతో వారు కూగా అభిమానుల కోసం బోల్డ్ ఫొటోస్ షేర్ చేస్తుంటారు. కానీ మరీ అశ్లీల ఫొటోలు దాదాపు ఏ హీరోయిన్లు కూడా షేర్ చేయరు. కానీ తాజాగా బాలీవుడ్ బ్యూటీ జాన్వీ కపూర్ పేరుతో ఉన్న ఎక్స్ ఖాతాలో అశ్లీల దృశ్యాలు ఉండటంతో నెటిజన్లు ఒక్కసారిగా షాక్ అయ్యారు.
అయితే జాన్వీ కపూర్ పేరుతో ఉన్న ఎక్స్(ట్విట్టర్) వేదికగా అశ్లీల చిత్రాలు కనిపించడం, నెటిజన్ల నుంచి రకరకాల కామెంట్లు, విమర్శలు రావడంతో చివరికి జాన్వీ కపూర్ టీం స్పందించింది. జాన్వీకి అసలు ఎక్స్ ఎకౌంటే లేదని, సోషల్ మీడియాలో ఆమె పేరుతో ఉన్నది ఫేక్ అకౌంట్ అని స్పష్టం చేసింది. ఇలాంటి నకిలీ ఖాతాలు, నకిలీ సమాచారంతో అప్రమత్తంగా ఉండాలని, అనుమానం వచ్చిన సమాచారాన్ని వెంటనే నమ్మేయకుండా వాస్తవాలు తెలుసుకోవాలని జాన్వీకపూర్ టీమ్ అభిమానులకు విజ్ఞప్తి చేసింది.
ఇక జాన్వి సినీ కెరీర్ గురించి చెప్పుకుంటే ఆమె దివంగత శ్రీదేవి కూతురిగా సినీ ఇండస్ట్రీలోకి అడుగు పెట్టిన విషయం తెలిసిందే. స్టార్ కిడ్ అనే మార్క్ పెట్టుకొని బ్యాక్ టు బ్యాక్ మూవీస్ చేస్తూ సినీ ప్రేక్షకులను అలరిస్తోంది. ప్రస్తుతం ఎన్టీఆర్ కొరటాల కాంబోలో వస్తున్న దేవర మూవీలో నటిస్తోంది. ఇటీవల జాన్వి పలు వెబ్ సిరీస్‌లు, కమర్షియల్ యాడ్స్, ప్రమోషన్స్ కోసం ఎక్కువ కూడా టైమ్ స్పెండ్ చేస్తూ ఇండస్ట్రీలో ఫుల్ క్రేజీ ఉన్న సెలబ్రిటీగా అందరినీ ఆకట్టుకుంటోంది.
