ముఖం యవ్వనంగా, కాంతివంతంగా కావాలనుకుంటున్నారా.. ఈ నూనెను ఇలా ట్రై చేయండి..

దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : చాలామంది యువత అందంగా కనిపించాలని అనుకుంటారు. అందుకోసం ఎన్నో ప్రయత్నాలతో పాటు ఎంతో ఖర్చు చేస్తుంటారు. అంతే కాదు హోం రెమిడీలను కూడా ఎన్నింటినో పాటిస్తుంటారు. అలా కాకుండా విటమిన్ ఇ తో కూడా అందాన్ని రెట్టింపు చేసుకోవచ్చంటున్నారు నిపుణులు.

విటమిన్ ఈ ఒక ముఖ్యమైన పోషకం. ఇది ఆరోగ్యానికి చాలా ఉపయోగకరంగా ఉంటుంది. మన శరీరం పనితీరును నిర్వహించడానికి ఈ విటమిన్ అవసరం. ఇది శక్తివంతమైన యాంటీ ఆక్సిడెంట్, ఇది చర్మాన్ని ఆరోగ్యంగా, యవ్వనంగా ఉంచడంలో చాలా ఉపయోగకరంగా ఉంటుంది. విటమిన్ ఈ క్యాప్సూల్స్, ఇతర ఉత్పత్తులే కాకుండా, విటమిన్ ఈ నూనెను చర్మం పై అప్లై చేయవచ్చు. ఈ నూనెను ముఖానికి చాలా రకాలుగా ఉపయోగించవచ్చు. ఈ ప్రత్యేకమైన నూనెను చర్మం పై అప్లై చేయడం వల్ల యాంటీ ఏజింగ్ ఎఫెక్ట్ కనిపిస్తుందని, చర్మం దీర్ఘకాలం పాటు యవ్వనంగా ఉంటుందని అనేక పరిశోధనలు వెల్లడించాయి.

కొన్ని నివేదికల ప్రకారం విటమిన్ ఈలో యాంటీ ఆక్సిడెంట్ ప్రభావాలు పుష్కలంగా ఉన్నాయి. విటమిన్ ఈ నూనెను నేరుగా చర్మం పై అప్లై చేయవచ్చు. ఈ నూనెను సౌందర్య ఉత్పత్తులలో కూడా ఉపయోగిస్తారు. విటమిన్ ఈ అనేక మాయిశ్చరైజర్లలోనూ ఉపయోగిస్తారు. విటమిన్ ఈ ఆయిల్ చర్మం పొడిబారడం నుండి ఉపశమనాన్ని అందించడంలో చాలా ప్రయోజనకరంగా ఉంటుంది. రాత్రి పడుకునే ముందు ఈ నూనెను చర్మానికి రాస్తే అందంగా ఉంటుంది. ఈ నూనెను రోజుకు రెండు సార్లు కూడా చర్మానికి రాసుకోవచ్చని చెబుతున్నారు నిపుణులు.

అమెరికన్ అకాడమీ ఆఫ్ డెర్మటాలజీ అసోసియేషన్ విటమిన్ ఈ ఎగ్జిమాకు ప్రయోజనకరంగా ఉంటుందని తెలిపింది. విటమిన్ ఈ ఆయిల్ చర్మాన్ని ఫ్రీ రాడికల్స్ నుండి రక్షిస్తుంది. చర్మం వృద్ధాప్య ప్రక్రియను నెమ్మదిస్తుంది. ఈ నూనె చర్మాన్ని తేమగా మారుస్తుంది. దీని కారణంగా చర్మం హైడ్రేట్ గా, మృదువుగా ఉంటుంది. చర్మం ముడతలు, మచ్చలు లేకుండా చేస్తుంది. విటమిన్ ఈ నూనెను నేరుగా చర్మం పై అప్లై చేయవచ్చు లేదా మాయిశ్చరైజర్‌తో కలిపి అప్లై చేయవచ్చు. విటమిన్ ఈ నూనెను తలలో రాస్తే రక్త ప్రసరణను పెంచుతుంది. దీంతో జుట్టు రాలే సమస్యను తగ్గించుకోవచ్చంటున్నారు నిపుణులు.

* గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.