Bird song : పక్షుల కిల కిల రావాలు వింటే మానసిక ఆందోళనలు దూరం.. అధ్యయనంలో వెల్లడి
దిశ, ఫీచర్స్ : ఆరోగ్యంగా, ఆనందంగా ఉండాలంటే మానవులు ఎల్లప్పుడూ ప్రకృతితో కనెక్ట్ అయి ఉండాలని ఆరోగ్య నిపుణులు సైతం చెబుతుంటారు. బయటి వాతావరణంలో తిరగడం, పచ్చని చెట్లను, పరిసరాలను గమనించడం వంటివి చేస్తూ ఉండాని సూచిస్తుంటారు. దీనివల్ల మానసిక రుగ్మతలు కూడా రాకుండా ఉంటాయని చెప్తారు. వాకింగ్, జాగింగ్, ఇతర వ్యాయామాలు వంటివి చేయడం, కాసేపు ఎండలో నిలబడటం వంటివి ఇందులో భాగంగానే చేస్తుంటారు చాలా మంది. అయితే ప్రకృతి ఆస్వాదనతోపాటు పక్షుల శబ్దాలు వినడం మనలో ఆనందాన్నే కాదు, వాటి శబ్దాలు మానసిక ఆరోగ్యంపై సానుకూల ప్రభావం చూపుతాయని నిపుణులు చెబుతున్నారు.
పక్షులు చేసే రకరకాల శబ్దాలు వినడంవల్ల మనసు కుదుట పడుతుందని, మానసిక వికాసానికి అవసరమైన హ్యాపీ హర్మోన్లు బాడీలో రిలీజ్ అవుతాయని శాస్త్రవేత్తలు చెబుతున్నారు. ‘జర్నల్‌ ఆఫ్ ఆక్యుపేషనల్ అండ్ ఇన్విరాన్‌మెంటల్‌ మెడిసిన్’ లో పబ్లిషైన అధ్యయనం ప్రకారం.. పరిశోధకులు తరచూ పక్షులను చూస్తూ, వాటి శబ్దాలు వింటూ గడిపేవారిని, అందకు భిన్నమైన జీవన శైలి కలిగి ఉన్న వారిని కలిపి మొత్తం 26 మందిపై అధ్యయనం నిర్వహించారు. వీరిని రెండు గ్రూపులుగా విభజించి, ఏడాదిపాటు అబ్జర్వ్ చేశారు. కాగా వీరిలో పక్షుల శబ్దాలు వినేవారు ఎప్పుడూ హ్యాపీగా, యాక్టివ్‌గా గడుపుతుంటే.. అందుకు భిన్నమైన వెదర్‌లో ఉండేవారు వీరితో పోల్చినప్పుడు అతి ఆలోచనలు, ఆందోళనలు, డిప్రెషన్స్ వంటి మెంటల్ హెల్త్ ఇష్యూస్‌ ఫేస్ చేస్తున్నట్లు గుర్తించారు. హ్యాపీగా ఉండేవారిలో అందుకు కారణాలను విశ్లేషించిన పరిశోధకులు పక్షుల శబ్దాలు వారిలో మానసిక ఆనందానికి, వికాసానికి కారణం అవుతున్నాయని తేల్చారు.
‘అమెరికన్ కాలేజ్ ఆఫ్ ఆక్యుపేషనల్ అండ్ ఎన్విరాన్ మెంటల్ మెడిసిన్’కు చెందిన పరిశోధకులు మరో సందర్భంలో కూడా తరచుగా పక్షుల శబ్దాలు వినగలగడం ఎలాంటి ప్రభావం చూపుతుందో తెలుసుకోవడానికి 295 మందిపై అధ్యయనం నిర్వహించారు. వీరిలో కొందరు డిప్రెషన్ బాధితులు కూడా ఉన్నారు. కాగా తరచుగా పక్షుల శబ్దాలు వినే అవకాశం ఉన్న ప్రాంతాల్లో నివాసించే వారిలో కొంతకాలానికి భావోద్వేగాలను అంచనా వేయగా.. ప్రతీ ఒక్కరి మానసిక పరిస్థితి మెరుగు పడిందని, డిప్రెషన్ లక్షణాలు తగ్గాయని పరిశోధకులు కనుగొన్నారు. అంతేకాకుండా పచ్చని చెట్లు, పక్షులు ఎక్కువగా శబ్దాలు చేసే నేచర్ మధ్య గడిపేవారిలో జ్ఞాపశక్తి పెరగడం, సంతోషం, ఉత్సాహం వంటివి రెట్టింపు కావడం, అలాగే వివిధ మానసిక రుగ్మతలు తగ్గుముఖం పట్టడం వంటివి పరిశోధకులు గుర్తించారు. సో.. ఏ మాత్రం అవకాశం ఉన్నా అందమై ప్రకృతిని ఆస్వాదించాలని, భిన్నమైన పక్షుల స్వరాలను వినాలని నిపుణులు సూచిస్తున్నారు.
