ఇంటర్వ్యూ కి వెళ్లేముందు ఒత్తిడికి గురవుతున్నారా ! ఇలా స్ట్రెస్ ఫ్రీ అవ్వండి..

దిశ, ఫీచర్స్ : ఇంటర్వ్యూలో అడిగే అనేక రకాల ప్రశ్నలు మన మదిలో మెదులుతూనే ఉంటాయి. ఇలా ఇంటర్వ్యూలో ఎలాంటి ప్రశ్నలు అడుగుతారు. సరైన సమాధానాలు చెప్పగలమా, సెలెక్ట్ అవుతామా లేదా అని ప్రశ్నలు మెదులుతుంటాయి. ఈ ఆలోచనల వల్ల మనసు ఒత్తిడికి లోనవుతుంది. ఇది నేరుగా ఇంటర్వ్యూ పై ప్రభావం చూపుతుంది. ప్రశ్నకు సమాధానం, బాడీ లాంగ్వేజ్, టోన్, ముఖ కవళికలు, ఆత్మవిశ్వాసం పై ప్రభావం పడుతుంది. కానీ ఈ సమయంలో మనం ఒత్తిడి లేకుండా ఉండటం చాలా ముఖ్యం. అప్పుడే మనం ప్రశ్నలకు సరైన సమాధానం ఇవ్వగలుగుతారు. అయితే ఇంటర్వ్యూ ఒత్తిడిని ఎలా తగ్గించుకోవాలి ఇప్పుడు తెలుసుకుందాం.

ఒత్తిడి నుంచి రిలాక్స్ కావడానికి టెక్నిక్ లు..

ఒత్తిడిని తగ్గించుకోవడానికి రిలాక్సేషన్ టెక్నిక్‌లను పాటించాలి. దీని కోసం మీరు మంచి సంగీతాన్ని వినండి. ఎందుకంటే మీరు ఒత్తిడి లేకుండా ఉన్నప్పుడే, మీరు సరిగ్గా ఇంటర్వ్యూలో సమాధానం ఇవ్వగలరు.

విశ్వాసం ముఖ్యం..

మీకు భయంగా అనిపిస్తే మీరు జీవితంలో ఎదుర్కొన్న అనుభవం, ఫీల్డ్ పై మీకున్న పరిజ్ఞానాన్ని గుర్తుంచుకోవాలి. ఇంటర్వ్యూలో మీరు ఎంత నమ్మకంగా ఉన్నారనే దాని పై ప్రతిదీ ఆధారపడి ఉంటుంది. అందుకే మీ మీద మీరు నమ్మకంగా, విశ్వాసంతో ఉండాలి.

సానుకూలంగా ఆలోచించండి..

ఎలాంటి ప్రతికూల ఆలోచనల పై మిమ్మల్ని ఆధిపత్యం చేయనివ్వవద్దు. ఈ సమయంలో సానుకూల ఆలోచనను కలిగి ఉండటం చాలా ముఖ్యం. మీ ఆత్మవిశ్వాసాన్ని పెంచడానికి, మీ విజయాలను గుర్తు చేసుకోండి.

సరిగ్గా వినండి..

ఒక ఇంటర్వ్యూలో ఎదుటి వ్యక్తి చెప్పేది సరిగ్గా వినడం, సమాధానం ఇవ్వడం చాలా ముఖ్యం. అందుకే మీరు అవతలి వ్యక్తి చెప్పేది వినండి. ప్రశ్నను సరిగ్గా అర్థం చేసుకుని ఆపై సమాధానం ఇవ్వండి.

డ్రెస్సింగ్ పై శ్రద్ధ వహించండి..

ఇంటర్వ్యూకి వెళ్లేటప్పుడు మీకు నమ్మకం కలిగించే దుస్తులను ధరించండి. ఇది మీ ముందు ఉన్న వ్యక్తి పై మంచి అభిప్రాయాన్ని కలిగిస్తుంది.