వరదలో చిక్కుకున్న ఎమ్మెల్యే సుధీర్ రెడ్డి కారు.. ఎమ్మెల్యేనే స్వయంగా తోసి..

దిశ, వెబ్‌డెస్క్: ఎల్బీ నగర్ ఎమ్మెల్యే సుధీర్ రెడ్డి కారు వరదలో చిక్కుకుంది. వరద ప్రభావిత ప్రాంతాల్లో సుధీర్ రెడ్డి పర్యటిస్తుండగా.. సాగర్ ఎంక్లేవ్ కాలనీలో సుధీర్ రెడ్డి కారు వరదలో చిక్కుకుంది. దీంతో సెక్యూరిటీ సిబ్బందితో పాటు స్వయంగా ఎమ్మెల్యే బయటకు దిగి కారును తోశారు. స్థానికుల సాయంతో సుధీర్ రెడ్డి కారు బయటకు వచ్చింది.

కాగా హైదరాబాద్‌లో గత కొద్దిరోజులుగా భారీగా వర్షం కురుస్తోంది, ఎడతెరిపి లేకుండా కురుస్తున్న వర్షాలకు ప్రజలు తీవ్ర అవస్థలు పడుతున్నారు. పలు కాలనీల్లోకి భారీగా వరద నీళ్లు చేరుకోవడంతో వాహనదారులు తీవ్ర అవస్థలు పడుతున్నారు. మరో వారం రోజుల పాటు హైదరాబాద్‌లో భారీ వర్షాలు కురిసే అవకాశముందని వాతావరణశాఖ హెచ్చరికలు జారీ చేసింది.