నా కెరీర్‌లో పాపులర్ క్యారెక్టర్ అదే.. కరీనా కపూర్
దిశ, సినిమా: కరణ్ జోహార్ దర్శకత్వంలో అమితాబ్ బచ్చన్, జయా బచ్చన్, షారుఖ్, హృతిక్, కరీనా, కాజోల్‌ వంటి భారీ తారాగాణంతో తెరకెక్కిన చిత్రం ‘కభీ ఖుషీ కభీ ఘమ్‌’. ఈ చిత్రం విడుదలై 20 ఏళ్లు పూర్తి చేసుకున్న సందర్భంగా కరీనా కపూర్ మూవీ గురించి ఆసక్తికర విషయాలు గుర్తుచేసుకుంది. ఇప్పటికీ అందులోని సన్నివేశాలు, డైలాగులు ఇప్పటికీ గుర్తుండిపోతాయని తెలిపింది. ఇక తన కెరీర్‌లో అత్యంత ప్రజాదరణ పొందిన పాత్రల్లో ‘పూజ’ క్యారెక్టర్ ఒకటిగా చెప్పిన బెబో.. ‘ఈ చిత్రం రిలీజై రెండు దశాబ్దాలు గడుస్తున్నా ప్రజలు ఇప్పటికీ ఆదరిస్తున్నారు. వారితో పాటు నాపై కూడా ఈ మూవీ ప్రభావం ఉందని భావిస్తున్నాను. ఆ అనుభూతి నాలో ఇంకా అలాగే ఉంది’ అంటూ వివరించింది. ఈ సినిమాలోని ‘యు ఆర్ మై సోనియా’ పాటకు తను మాస్ స్టెప్పులేసిన వీడియోను ట్విట్టర్‌లో పోస్ట్ చేస్తూ.. ‘మై ఫ్లాష్ బ్యాక్’ అని కాప్షన్ ఇచ్చింది కరీనా.
Kareena’s Instagram Story! #20yearsofK3G 😍 pic.twitter.com/YaecLRVyBs
— Kareena Kapoor Khan (@KareenaK_FC) December 10, 2021
