పసుపు బట్టల్లో మెరిసిపోయిన పంచదార బొమ్మ

దిశ, వెబ్‌డెస్క్: అక్టోబర్ 30న అందాల చందమామ గౌతమ్ కిచ్లుతో ఏడడుగులు వేయబోతుంది. మూడు ముళ్లు వేయించుకుని మిస్ కాజల్ అగర్వాల్ నుంచి మిసెస్ హోదా పోందబోతుంది. వైభవంగా జరగనున్న పెళ్లికి చాలా కొద్ది మంది అతిథులు మాత్రమే హాజరు కానుండగా.. హల్దీ ఫంక్షన్ అదిరిపోయే రేంజ్‌లో జరిగింది. పంచదార బొమ్మ పసుపు బట్టల్లో మెరిసిపోగా.. కిచ్లుతో ముచ్చటిస్తున్న ఫొటోలు నెట్టింట హల్ చల్ చేస్తున్నాయి. ముంబైలో జరగనున్న పెళ్లికి ఇప్పటికే సర్వం సిద్ధం కాగా, కాజు డై హార్డ్ ఫ్యాన్స్ మాత్రం బాధపడుతున్నారు. తమ కలల రాణి మరొకరి ఇంటి మహారాణిగా మారబోతుందన్న విషయాన్ని తట్టుకోలేని అభిమానులు ఏడుస్తున్నారు కూడా. మరికొందరు చేసేదేమీ లేక ఆల్ ది బెస్ట్ చెప్పి ఈ జన్మకు ఇంతేలే! అని సరిపెట్టుకుంటున్నాం అని చెప్తున్నారు.

కాగా, కాజల్ పెళ్లి తర్వాత మళ్లీ సినిమాలతో బిజీ కానుంది. ఇప్పటికే ‘ఇండియన్ 2, ఆచార్య, హే సినామిక’ లాంటి చిత్రాలు కమిట్ అయిన కాజు.. మరిన్ని ప్రాజెక్టులు కూడా లైన్‌లో పెట్టిందని టాక్. మరోవైపు తమిళ వెబ్ సిరీస్ లైవ్ టెలికాస్ట్‌తో డిజిటల్ ఎంట్రీ ఇవ్వబోతుంది భామ.