వర్షపు నీటిలో చిక్కుకుని ఉద్యోగి మృతి

దిశ, వెబ్‎డెస్క్: రాష్ట్ర రాజధాని హైదరాబాద్‎లో శుక్రవారం కురిసిన భారీ వర్షానికి ఓ వ్యక్తి మృతి చెందాడు. ఈ విషాద ఘటన ముషీరాబాద్‎లో చోటు చేసుకుంది.

వివరాల్లోకి వెళ్తే.. ముషీరాబాద్‎లోని శ్రీ సాయి అపార్ట్‎మెంట్‎లో హైకోర్టు ఉద్యోగి రాజ్‎కుమార్ కుటుంబం నివాసం ఉంటోంది. శుక్రవారం సాయంత్రం కూరగాయలు తెస్తానని చెప్పి బయటకు వెళ్లారు. బైకు కోసం అపార్ట్‎మెంట్ సెల్లార్‎లోకి వెళ్లగా.. అప్పటికే కురిసిన వర్షానికి సెల్లార్ నిండిపోయింది. ప్రమాదవశాత్తు రాజ్ కుమార్ సెల్లార్‎లో మృతి చెందారు. రాజ్ కుమార్ మృతికి షార్ట్ సర్క్యూట్ కారణమని పోలీసులు భావిస్తున్నారు. కేసు నమోదు చేసిన పోలీసులు దర్యాప్తు చేపట్టారు.