దేశంలో ‘హిందూస్థానీ’ఎవరంటున్న ముఫ్తీ..
దిశ, వెబ్‌డెస్క్ : జమ్ముకశ్మీర్‌లో కేంద్ర ప్రభుత్వం అమలు పరుస్తున్న చర్యలపై మాజీ ముఖ్యమంత్రి, పీడీపీ పార్టీ అధినేత మెహబూబా ముఫ్తీ కీలక వ్యాఖ్యలు చేశారు. రాను రాను ఇక్కడ ప్రజాస్వామ్యం అర్థం మారిపోతుందని వరుస ట్వీట్లు చేశారు. ప్రజాస్వామ్యానికి స్థానం లేని చోట పర్యావరణ వ్యవస్థను అభివృద్ధి చేయాలని బీజేపీ కోరుకుంటుందని నేను అనుకుంటున్నాను అని అన్నారు.
కేంద్రం తన పార్టీని నిషేధించాలనుకుంటుందని, ఎందుకంటే నేను స్వరం పెంచుతాను. నిర్భంధం నుంచి విడుదలైనప్పటి నుంచి ఆర్టికల్ 370గురించి మాట్లాడుతున్నాను. కానీ, దాని గురించి నేను ఏమి చేయగలనని చెప్పారు.
They call Muslims as 'Pakistani', Sardars as 'Khalistani', activists as 'Urban Naxal' & students as members of 'Tukde Tukde gang' & 'anti-national'. I fail to understand if everyone is terrorist & anti-national, then who is 'Hindustani' in this country?Only BJP workers?:PDP chief https://t.co/gT07YLMQg5
— ANI (@ANI) November 29, 2020
కశ్మీర్ సమస్య పరిష్కారం కానంత వరకు ఇక్కడ పరిస్థితులు అలాగే ఉంటాయి. ఆర్టికల్ 370ని పునరుద్ధరించనంత వరకు ఈ సమస్య పరిష్కరించబడదు. మంత్రులు వచ్చి వెళ్లడం, ఎన్నికలు నిర్వహించడం ఈ సమస్యకు పరిష్కారం కాదు.
బీజేపీ పెద్దలు ముస్లింలను ‘పాకిస్తానీ’ అని, సర్దార్లను ‘ఖలిస్తానీ’ అని, కార్యకర్తలను ‘అర్బన్ నక్సల్’ అని, విద్యార్థులను ‘తుక్డే తుక్డే ముఠా’ మరియు ‘దేశ వ్యతిరేక’ సభ్యులుగా పిలుస్తారు. అందరూ ఉగ్రవాదులు లేదా దేశ వ్యతిరేకులు అయితే, అప్పుడు ఈ దేశంలో ‘హిందుస్తానీ’ ఎవరు? అని ముఫ్తీ ప్రశ్నించారు.
అంతేకాకుండా, తాము డీడీ ఎన్నికల్లో పాల్గొనాలని నిర్ణయించుకున్నాక, జమ్ము కశ్మీర్లో అణచివేత స్థాయి పెరిగింది. పీఏజీడీ అభ్యర్థులు పరిమితం చేయబడ్డారు, ప్రచారం కోసం బయటకు వెళ్ళడానికి అనుమతించడం లేదని మండిపడ్డారు. ఎన్నికల్లో ప్రచారం చేయడానికి అనుమతించకపోతే అభ్యర్థులు ఎలా పోటీ చేస్తారు? అని మెహబూబా ముప్తీ కేంద్రంపై విమర్శలు గుప్పించారు.
