కామారెడ్డిలో మొబైల్ షాపు దగ్ధం

దిశ, కామారెడ్డి: కామారెడ్డి జిల్లా కేంద్రంలోని సిరిసిల్ల రోడ్డులో అగ్నిప్రమాదం జరిగింది. మంగళవారం తెల్లవారుజామున హైటెక్ మొబైల్ షాప్‌లో ఒక్కసారిగా మంటలు చెలరేగాయి. స్థానికుల సమాచారం మేరకు ఘటనాస్థలికి చేరుకున్న అగ్నిమాపక సిబ్బంది.. మంటలను అదుపు చేశారు. ఈ ప్రమాదంలో షాపులో ఉన్న విలువైన సెల్‌ఫోన్లతో పాటు ఇతర సామాగ్రి పూర్తిగా ద్ధగమయ్యాయి. సుమారు ఆరు లక్షల రూపాయల ఆస్తి నష్టం వాటిలినట్లు షాపు యాజమాని ఆవేదన వ్యక్తం చేశారు. షార్ట్ సర్క్యూట్‌తో జరిగిందా లేదా మరే ఇతర కారణాలతో ప్రమాదం జరిగిందా అనే వివరాలు తెలియాల్సి ఉంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.