బాహుబలి నిర్మాతకు ఆర్ఆర్ఆర్ కథపై ట్వీట్
శోభు యార్లగడ్డ… బాహుబలి సినిమా నిర్మాత. ఆర్కా మీడియా వర్క్స్ బ్యానర్ పై తీసిన బాహుబలి సినిమాతో భారీగా లాభాలు అందుకున్నారు. దర్శకులు ఎస్.ఎస్. రాజమౌళితో మంచి స్నేహం ఉండడమే ఇంత భారీ ప్రాజెక్ట్ రావడం… ఎక్కడా కాంప్రమైజ్ కాకుండా గొప్ప విలువలతో సినిమాను తెరకెక్కించడం… తెలుగు సినిమా ఖ్యాతిని ప్రపంచానికి చాటి చెప్పడం జరిగింది.
అయితే శోభు యార్లగడ్డకు వచ్చిన ట్వీట్ ఇప్పుడు వైరల్ గా మారింది. ఓ వ్యక్తి శోభుకు ఆర్ఆర్ఆర్ మూవీ గురించి అడిగిన ప్రశ్న చాలా ఇంట్రెస్టింగ్ గా ఉంది. ‘సార్.. రాజమౌళికి క్లోజ్ ఫ్రెండ్ గా మీకు ఆర్ఆర్ఆర్ సినిమా స్టోరీ గురించి తెలుసా?. ఒక వేళ మీకు తెలిస్తే.. కథ ఎలా ఉంది..? బాక్సాఫీస్ వద్ద ఎలాంటి రికార్డులు సొంతం చేసుకుంటుంది?’ అని అడిగాడు.
దీనిపై స్పందించిన నిర్మాత శోభు యార్లగడ్డ.. ‘నాకు ఆర్ఆర్ఆర్ మూవీ స్టోరీ అస్సలు తెలియదన్నారు. ఆర్ఆర్ఆర్ సినిమా షూటింగ్ కు కూడా ఒక్కరోజు మాత్రమే వెళ్లానని చెప్పారు. కానీ సినిమా మాత్రం ఇండస్ట్రీ హిట్ అవుతుందనే కాన్ఫిడెన్స్ ఉందన్నారు.’
తారక్, చరణ్ ల కాంబినేషన్ లో వస్తున్న ఆర్ఆర్ఆర్ మూవీలో అజయ్ దేవ్ గన్, అలియా భట్ లాంటి సినీ స్టార్స్ నటిస్తున్నారు. వచ్చే ఏడాది జనవరి 8న సినిమా విడుదల కానుంది.
