భారీ జీతంతో SI, కానిస్టేబుల్ ఉద్యోగాలు.. నేటి నుంచే దరఖాస్తుల ప్రారంభం

దిశ,వెబ్‌డెస్క్: కేంద్ర ప్రభుత్వం ఆధ్వర్యంలో భారీ జీతంతో ఎస్సై, కానిస్టేబుల్ ఉద్యోగాలకు దరఖాస్తులు ఆహ్వానిస్తోంది. ఇండో-టిబెటన్ బోర్డర్ పోలీస్ ఫోర్స్(ITBP) టెలికమ్యూనికేషన్ విభాగంలో 526 ఎస్సై, హెడ్ కానిస్టేబుల్ పోస్టులకు దరఖాస్తులు ఈ రోజు(నవంబర్ 15) ప్రారంభమయ్యాయి. ఈ క్రమంలో ఈ ఉద్యోగాలకు పోస్టును బట్టి ఇంటర్మీడియట్, డిగ్రీ ఉత్తీర్ణులై ఉండాలి. ఈ ఉద్యోగాలకు నేటి నుంచి డిసెంబర్ 14 వరకు అర్హత గల మహిళలు, పురుషులు అప్లై చేసుకోవచ్చు. ఎస్సై పోస్టులకు 20-25 ఏళ్లు, హెడ్ కానిస్టేబుల్ పోస్టులకు 18-25 ఏళ్లు ఉండాలి. ఎస్సైల పే స్కేల్ రూ.35,400-1,12,400 , హెడ్ కానిస్టేబుల్ పే స్కేల్ రూ.25,500-81,100గా ఉంది. ఈ నేపథ్యంలో పూర్తి వివరాలకు అధికారిక వెబ్‌సైట్ recruitment.itbpolice.nic.inను సందర్శించండి.