పీడిత ప్రజల పోరాట చిహ్నం చేగువేరా

గుండెల్లో దాగి ఉన్న నిప్పుతో, కళ్ళల్లో ధైర్యపు జ్యోతితో, అణగారిన ప్రజల కోసం, పోరాడిన విప్లవ వీరుడు చేగువేరా. ఆయన మాటలు ఒక శక్తి చేతలు ఒక స్ఫూర్తి. ఆ పేరు ఒక నినాదం. అయన జీవితం ఒక పాఠం. ఏర్నెస్టో "చే" గువేరా ఒక అర్జెంటినా మార్క్సిస్ట్ విప్లవకారుడు, వైద్యుడు, రచయిత, గెరిల్లా నాయకుడు, సైనిక సిద్ధాంతవేత్త, క్యూబా విప్లవంలో ప్రముఖ వ్యక్తి. 1928లో జన్మించిన ఆయన యువ వయసులోనే లాటిన్ అమెరికా అంతా పర్యటించి, అక్కడి దారిద్యం అసమానతలను చూసి చలించిపోయాడు. ఈ అనుభవాలు అయనలో విప్లవ భావాలను రగిలించాయి.

గెరిల్లా యుద్ధ నేత

తన వైద్య విద్యను వదిలి, క్యూబాలో ఫిడేల్ కాస్ట్రో నేతృత్వంలోని విప్లవంలో పాల్గొన్నాడు. 1959లో క్యూబాలో కమ్యూనిస్టు ప్రభుత్వం స్థాపనకు దారి తీసింది. గువేరా కొత్త ప్రభుత్వంలో పలు ఉన్నత పదవులు నిర్వహించారు, పరిశ్రమల మంత్రిగా, నేషనల్ బ్యాంక్ అధ్యక్షుడిగా, సైనిక నాయకుడిగా సైతం వ్యవహరించారు. క్యూబా విప్లవం తర్వాత, చేగువేరా లాటిన్ అమెరికా, ఆఫ్రికాలోని ఇతర దేశాల్లో విప్లవాలను ప్రేరేపించడానికి ప్రయత్నించాడు. 1965లో అతను బొలీవియాకు వెళ్లి అక్కడి ప్రభుత్వానికి వ్యతిరేకంగా గెరిల్లా యుద్ధం ప్రారంభించాడు. కాంగో డెమొక్రటిక్ రిపబ్లిక్ లో తిరుగుబాటుకు నాయకత్వం వహించడానికి బయలుదేరాడు. అక్కడ అతని ప్రయత్నం విఫలమైంది. కానీ 1967లో బొలీవియా సైనిక దళాలకు చిక్కి, కాల్చి చంపబడ్డాడు. ప్రపంచవ్యాప్తంగా విప్లవం న్యాయం సామాజిక న్యాయం యొక్క చిహ్నంగా మారాడు. చేగువేరా మరణం తరువాత, అతను ప్రపంచవ్యాప్తంగా ఒక విప్లవ చిహ్నంగా మారాడు. అతని చిత్రం, ప్రపంచవ్యాప్తంగా విప్లవం, న్యాయం, సామాజిక న్యాయానికి అద్దం పట్టే చిహ్నంగా మారింది. అతని జీవితం, ఆలోచనలు ఇప్పటికీ ప్రపంచవ్యాప్తంగా అనేక మందిని ప్రేరేపిస్తూనే ఉన్నాయి. ఆయన 21వ శతాబ్దంలోనూ అనేక దేశాలలో యువ నాయకులకు స్ఫూర్తిగా నిలిచాడు.

(నేడు చేగువేరా జయంతి సందర్భంగా)

పూసపాటి వేదాద్రి

99121 97694