దళిత యువతిపై మరో గ్యాంగ్‌రేప్..

దిశ, వెబ్‌డెస్క్ :

యూపీలోని హత్రాస్‌లో 19ఏళ్ల దళిత యువతిపై జరిగిన సామూహిక అత్యాచారం విషయంలో దేశం అట్టుడుకుతోంది. ప్రతిపక్షాలు, నిరసన కారులు రోడ్లమీదకు వచ్చి బాధిత కుటుంబానికి న్యాయం చేయాలని, నిందితులను కఠినంగా శిక్షించాలని డిమాండ్ చేస్తున్నారు.

ఈ నేపథ్యంలోనే ఇలాంటి మరో ఘటన బీహార్ రాష్ట్రంలో శనివారం వెలుగులోకి వచ్చింది. గయా జిల్లాలో ఓ దళిత యువతిపై నలుగురు యువకులు సామూహిక అత్యాచారానికి పాల్పడ్డారు. ఈ అవమానం భరించలేక బాధితురాలు ఆత్మహత్యకు పాల్పడింది. దీంతో బాధిత కుటుంబ సభ్యులు పోలీసులకు ఫిర్యాదు చేశారు.