అదృశ్యమైన వ్యక్తి అనుమానాస్పద మృతి
దిశ, పరిగి : ఇంటి నుంచి మూడు రోజుల క్రితం అదృశ్యమైన ఓ వ్యక్తి చెరువులో శవమై తేలాడు. గ్రామస్తులు, కుటుంబీకులు తెలిపిన వివరాల ప్రకారం పరిగి మండలం రాఘవాపూర్ గ్రామానికి చెందిన మహమ్మద్ నిజాముద్దీన్ (47) వివాహం కాకపోవడంతో ఇంట్లో ఒంటరిగా ఉంటున్నాడు. ఇంటి నుంచి వెళ్లి మూడు రోజులుగా కనిపించడం లేదని గ్రామస్తులు పేర్కొన్నారు. చెరువు ఒడ్డున నిజాముద్దీన్ వేసుకునే బట్టలు, టవల్, చెప్పులు విడిచి ఉండడం గ్రామస్తులు గమనించారు.
దాంతో చెరువులోపల పరిశీలించగా నీటిపై శవం కనిపించడంతో పోలీసులకు సమాచారం అందించారు. ఎస్సై రమేష్ సిబ్బందితో అక్కడికి చేరుకొని మృతదేహాన్ని ఒడ్డుకు చేర్చారు. మృతదేహం కుళ్లిపోయి ఉంది. నిజాముద్దీన్ మృతిపై అనుమానాలు ఉన్నట్లు కుటుంబీకులు, గ్రామస్తులు తెలిపారు. శవాన్ని పరిగి ప్రభుత్వాస్పత్రికి పోస్టుమార్టం కోసం తరలించారు. మృతుడి పెద్దన్న మహమ్మద్ జాంగీర్ పోలీస్ స్టేషన్లో ఫిర్యాదు చేయనున్నట్లు తెలిపాడు.
- Tags
- Suspicious death
