బస్సు, ద్విచక్ర వాహనం ఢీ .. ఇద్దరు యువకులకు గాయాలు..

దిశ, నిజామాబాద్ క్రైం : బోధన్ - నిజామాబాద్ రహదారిపై మంగళవారం రోడ్డు ప్రమాదం జరిగింది. ఈ ప్రమాదంలో ఇద్దరు తీవ్రగాయాలపాలయ్యారు. ఈ సంఘటనకు సంబంధించి పూర్తివివరాల్లోకెలితే షాపింగ్ మాల్ లో పని చేసే ఇద్దరు మిత్రులు నవాజుద్దీన్ (23) , ఇర్ఫాన్ (20 ) ద్విచక్ర వాహనం మీద రెంజల్ మండల్ నీలా గ్రామం నుంచి నిజామాబాద్ కు వస్తున్నారు.

మార్గమధ్యంలో నిజామాబాద్ డైరీ ఫార్మ్ వద్ద ఎదురుగా వస్తున్న ఆర్టీసీ బస్ ఢీ కొంది. ఈ ప్రమాదంలో నవాజుద్దీన్ కు కుడికాలు విరిగి పక్కకు పడిపోయింది. ఇర్ఫాన్ కు కాలు పైన తీవ్రగాయాలయ్యాయి. కాగా తీవ్ర రక్తస్రావంతో కొట్టుమిట్టాడుతున్న నవాజుద్దీన్ ను 108లో చికిత్సను అందిస్తూ నిజామాబాద్ జీజీహెచ్ హాస్పిటల్ కు తరలించారు. ఆరవ టౌన్ పోలిస్ లు కేసునమోదు చేసి దర్యాప్తు చేస్తున్నారు.