ఏటీఎం సెంటర్ల నుంచి రూ. 62 లక్షలు చోరీ
దిశ, తెలంగాణ క్రైం బ్యూరో: ఏటీఎం మిషన్లలో డబ్బు నిల్వ చేయాల్సిన ఉద్యోగే దొంగతనానికి పాల్పడ్డ ఉదంతమిది. ఆఫీస్లోని కంప్యూటర్నుంచి పాస్వర్డులు తస్కరించి 62 లక్షల డెబ్భయి తొమ్మిదివేల రూపాయలను దోచుకున్నాడు. చివరకు పోలీసులకు చిక్కి కటకటాల పాలయ్యాడు. వివరాలు ఇలా ఉన్నాయి. వరంగల్జిల్లా గీసుకొండ మండలం మొగిలిచెర్ల గ్రామానికి చెందిన పీ.ప్రణయ్కుమార్(25), డీ.క్రాంతికుమార్(32) ప్రస్తుతం హైదరాబాద్లోనే ఉంటూ సికింద్రాబాద్లోని సెక్యూర్వాల్యూ ఇండియా లిమిటెడ్అన్న సంస్థలో కస్టోడియన్లుగా ఉద్యోగం చేస్తున్నారు. ఈ సంస్థకు ఉప్పల్ రూట్లోని ఐసీఐసీఐ బ్యాంక్ఏటీఎం మిషన్లలో డబ్బు డిపాజిట్చేసే కాంట్రాక్ట్ఉంది. మామూలుగా డబ్బును ఏటీఎం సెంటర్లలో డిపాజిట్చేయటానికి పంపించినపుడు ఓ కస్టోడియన్కు ఏటీఎం మిషన్తాళంచెవులు, మరో కస్టోడియన్కు పాస్వర్డులు ఇచ్చి ఆఫీస్వాళ్లు పంపిస్తారు. ఈనెల 1న యధావిధిగా ప్రణయ్కుమార్ఉదయం 7గంటల ప్రాంతంలో డ్యూటీ నిమిత్తం ఆఫీస్కు వెళ్లాడు. అయితే, ఆ రోజు శ్రీనివాస్ఉద్యోగానికి రాలేదు.
దీనిని అవకాశంగా తీసుకున్న ప్రణయ్కుమార్ఆఫీస్లోని కంప్యూటర్నుంచి ఏటీఎం మిషన్ల పాస్వర్డులను తన మొబైల్ఫోన్తో ఫోటో తీసి తస్కరించాడు. అదేరోజు ఫిర్జాదీగూడలో రెండు, బండ్లగూడలో ఒకటి, జిల్లెలగూడలో రెండు ఏటీఎం మిషన్ల నుంచి మొత్తం 62లక్షల 79వేల రూపాయలు అపహరించాడు. అనంతరం కనిపించకుండా పోయాడు. మరుసటిరోజు డ్యూటీకి వచ్చిన శ్రీనివాస్ఏటీఎం సెంటర్లలో డబ్బు చోరీ అయినట్టు గ్రహించి సంస్థకు సమాచారం అందించాడు. ఈ క్రమంలో సెక్యూర్వాల్యూ యాజమాన్యం జరిగిన విషయాన్ని వివరిస్తూ మేడిపల్లి పోలీసులకు ఫిర్యాదు చేసింది. కేసు నమోదు చేసి రంగంలోకి దిగిన పోలీసులు సోమవారం రోజు అల్వాల్సమీపంలోని లోతుకుంట ప్రాంతంలో నిందితుడు ప్రణయ్కుమార్ను పట్టుకున్నారు. విచారణలో ఉద్యోగం చేయటం ద్వారా తనకు నెలకు కేవలం 16వేల రూపాయలు మాత్రమే జీతంగా వస్తోందని ప్రణయ్కుమార్ చెప్పాడు.
జల్సా జీవితంపై ఉన్న మక్కువతోనే ఈ చోరీకి పాల్పడినట్టు అంగీకరంచాడు. అంతకు ముందు 2022, నవంబర్నెలలో ఉప్పల్, పోచారం ఐటీ కారిడార్ప్రాంతాల్లోని ఏటీఎంల నుంచి 2లక్షల 50వేల రూపాయలు చోరీ చేసి పంచుకున్నట్టు వెల్లడించాడు. ఈ క్రమంలో పోలీసులు శ్రీనివాస్ను కూడా అరెస్టు చేశారు. ప్రస్తుతం చోరీ చేసిన డబ్బును తన స్నేహితుడైన క్రాంతికుమార్వద్ద దాచిపెట్టినట్టు చెప్పాడు. ఈ క్రమంలో పోలీసులు ఇద్దరి నుంచి 55లక్షల 80వేల రూపాయల నగదు, మూడు స్మార్ట్సెల్ఫోన్లు, రెండు స్మార్ట్వాచీలు స్వాధీనం చేసుకున్నారు. నిందితులను పక్షం రోజుల్లోనే అరెస్టు చేసిన ఇన్స్పెక్టర్గోవర్ధనగిరితోపాటు ఆయన బృందంలోని ప్రభాకర్రెడ్డి, నర్సింగ్రావు, లక్ష్మణ్లను కమిషనర్డీ.ఎస్.చౌహాన్అభినందించారు.
