హైదరాబాద్‌లో Honey Trap.. ఇంటికి వెళ్లి రెచ్చగొడుతూ..

దిశ, వెబ్‌డెస్క్ : అందమే పెట్టుబడిగా కొందరు యువతుల ముఠా మోసాలకు పాల్పడుతోంది. కొంతమంది కేటుగాళ్లు అమ్మాయిలతో గ్రూపుగా ఏర్పడి హనీట్రాప్‌కు పాల్పడుతున్నారు. గతంలో స్పైగా మాత్రమే హనీట్రాప్‌ను ఉపయోగిస్తుండగా.. తాజాగా డబ్బులు సంపాదించమే ధ్యేయంగా మగాళ్లను ట్రాప్ చేస్తున్నారు. హైదరాబాద్‌లో తాజాగా ఓ హనీ ట్రాప్ ముఠాను పోలీసులు గుర్తించారు.

హోమ్ డెలవరీ యాప్ ద్వారా ఇళ్లకు వెళ్తున్న మహిళ అక్కడ యువకులతో మాటలు కలిపి వారితో సన్నిహితంగా ఫొటోలు దిగుతుంది. ఆ తర్వాత రోజు పురుషుల బ్యాచ్‌తో ఇంటికి వచ్చి గొడవకు దిగుతుంది. తనతో బలవంతంగా ఫొటోలు తీసుకుని వేధిస్తున్నారని సీన్ క్రియేట్ చేస్తుంది. ఇలా బ్లాక్ మెయిలింగ్, బెదిరింపులకు పాల్పడి యువకుల నుంచి లక్షల రూపాయలు దండుకుంటున్నారు. ఇలా సిటీలో వరస ఘటనలు జరుగుతుండటంతో పోలీసులు అప్రమత్తం అయ్యారు. ఇప్పటికే సౌత్ జోన్ పరిధిలో పోలీసులకు 6 ఫిర్యాదులు అందాయి. దీంతో రంగంలోకి దిగిన స్పెషల్ టీం వల పన్నీ మహిళతోపాటు 9 మందిని పోలీసులు అరెస్ట్ చేశారు. అయితే ఈ ముఠాను విచారిస్తున్న పోలీసులు ఎంక్వెరీ ముగిశాక పూర్తి వివరాలు వెల్లడించే అవకాశం ఉంది.