గుర్తు తెలియని వాహనం ఢీకొని అయ్యప్ప భక్తుడు మృతి

దిశ, వేములవాడ : ఆంధ్రప్రదేశ్ రాష్ట్రంలోని పెనుగొండ వద్ద జరిగిన రోడ్డు ప్రమాదం జరిగింది. ఈ ప్రమాదం లో వేములవాడ పట్టణానికి చెందిన అయ్యప్ప భక్తుడు వంగపల్లి హరీష్ (28)మృతి చెందాడు. వివరాల్లోకి వెళితే వేములవాడ పట్టణానికి చెందిన 10 మంది అయ్యప్ప భక్తులు 24 రోజుల క్రితం శబరిమలై కి పాదయాత్రగా బయలుదేరిన వెళ్ళారు. ఈ క్రమంలో శనివారం వేకువజామున పాదయాత్రగా వెళ్తున్న భక్తులను గుర్తు తెలియని వాహనం వెనుక నుండి ఢీకొట్టడంతో హరీష్ అక్కడికక్కడే మృతి చెందాడు. ఈ ప్రమాదంతో హరీశ్ కుటుంబంతో పాటు వేములవాడ పట్టణంలో తీవ్ర విషాదం నెలకొంది.