ఎల్లమ్మ గుడి తాటి వనంలో భారీ అగ్నిప్రమాదం..

దిశ, కమలాపూర్ : హనుమకొండ జిల్లా కమలాపూర్ మండల కేంద్రంలోని ఎల్లమ్మ గుడి తాటి వనంలో ఆదివారం అనుమానాస్పద స్థితిలో మంటలు చెలరేగి తీవ్రనష్టం వాటిల్లింది. తాటి వనంలో భారీ అగ్నిప్రమాదం వలన వరికుప్పలు, పశుగ్రాసం, తాటి చెట్లు, వ్యవసాయ భావుల మోటార్ వైర్లు, పైపులు , టేకు చెట్లు, గీతా కార్మికులకు జీవనోపాధికి ఆధారమైన సుమారు 20కి పైగా తాటి చెట్లు పూర్తిగా దగ్ధమయ్యాయి.

గతంలో కూడా తాటి వనంలో నిప్పులు అంటుకున్నాయని, గౌడ కులస్తులకు సంబంధించిన భూమిని రియల్ ఎస్టేట్ వ్యాపారులు ఆక్రమించి ఈ దుశ్చర్యకు పాల్పడి ఉంటారని పలువురు ఆరోపిస్తున్నారు. అగ్ని ప్రమాదాలకు గురై పంటను కోల్పోయిన రైతులను ప్రభుత్వం ఆదుకోవాలని బాధితులు ప్రభుత్వాన్ని వేడుకుంటున్నారు.