25 కేజీల గంజాయి స్వాధీనం.. ఐదుగురి అరెస్ట్‌

దిశ, ఏలూరు సిటీ: ఏలూరు జిల్లా దెందులూరు మండలం సోమవరప్పాడులో 25 కేజీల గంజాయి స్వాధీనం చేసుకొని ఐదుగురిని అరెస్ట్ చేశామని పెదవేగి సీఐ వెంకటేశ్వరరావు, దెందులూరు ఎస్సై శివాజీ తెలిపారు. నర్సీపట్నం నుంచి ప్యాసింజర్‌ల మాదిరిగా 25 కేజీల గంజాయిని ఏలూరు తంగెళ్ళమూడి సోమవరప్పాడు గ్రామాలకు చెందిన ఐదుగురు వ్యక్తులు తీసుకువచ్చి అమ్ముకోవడానికి పంచుకుంటున్నారని వారు చెప్పారన్నారు. తమకు అందిన సమాచారం మేరకు సోమవరప్పాడులో దాడి చేసిన నిందితులను అరెస్టు చేశామన్నారు. ఈ మేరకు పోలీసులు కేసు నమోదు చేసి దర్యాప్తు చేస్తున్నామన్నారు.