అందరికీ దసరా శుభాకాంక్షలు : జగన్

దిశ, వెబ్‌డెస్క్: దసరా పండుగ సందర్భంగా రెండు రాష్ట్రాల తెలుగు ప్రజలకు సీఎం జగన్ మోహన్ రెడ్డి శుభాకాంక్షలు తెలిపారు. ఈ మేరకు శనివారం ఏపీ సీఎంవో ఓ ప్రకటన విడుదల చేసింది. ‘చెడుపై మంచి, దుష్ట శక్తుల మీద దైవ శక్తులు సాధించిన విజయానికి గుర్తుగా దసరా పండుగ జరుపుకుంటున్నాం. చెడు ఎంత దుర్మార్గమైనదైనా, ఎంత శక్తిమంతమైనదైనా అంతిమ విజయం మంచినే వరిస్తుంది.’ అని వైఎస్ జగన్ తెలిపారు.