‘దిల్ రూబా’ ట్రైలర్ వచ్చేసిందోచ్.. అటు యాక్టింగ్, ఇటు యాక్షన్ సీక్వెన్స్‌లతో అదరిపోయిందిగా
దిశ, వెబ్‌డెస్క్: యంగ్ హీరో కిరణ్ అబ్బవరం(Kiran abbavaram) గురించి ప్రత్యేకంగా చెప్పాల్సిన పనిలేదు. కెరీర్ స్టార్టింగ్‌లో కొన్ని సినిమాలతో అలరించాడు. అయితే అతని ఖాతాలో మంచి హిట్ పడలేవు. కానీ రీసెంట్‌గా ‘క’(Ka) మూవీతో బ్లాక్ బస్టర్ హిట్‌ను తన ఖాతాలో వేసుకున్న ఆయన.. ప్రస్తుతం ‘దిల్ రూబా’(dilRuba) సినిమాలో నటిస్తున్నాడు. విశ్వకరుణ్(Vishwa Karun) దర్శకత్వం వహిస్తున్న ఈ సినిమాని.. శివమ్ సెల్యూలాయిడ్ ప్రొడక్షన్స్ అండ్ ప్రముఖ మ్యూజిక్ లేబల్ సారెగమ తమ నిర్మాణ సంస్థ అయినటువంటి ఏ యూడ్లీ ఫిలింతో కలిసి సంయుక్తంగా నిర్మిస్తున్నాయి.
రొమాంటిక్ ఎంటర్‌టైనర్‌గా రూపుదిద్దుకుంటున్న ఈ మూవీలో రుక్సర్ థిల్లాన్(Rukshar Thillon) హీరోయిన్‌గా నటిస్తోంది. అయితే ఇప్పటికే షూటింగ్ పూర్తి చేసుకున్న ఈ మూవీ లవర్స్ డే కానుకగా ఫిబ్రవరి 14న థియేటర్లలో రిలీజ్ కావాల్సి ఉండగా.. కొన్ని అనివార్య కారణాల వల్ల దిల్ రూబా మూవీ రిలీజ్‌ను వాయిదా వేసిన సంగతి తెలిసిందే. కాగా ఈ చిత్రం మార్చి 14న రిలీజ్ కానుంది. ఇక ఇప్పటికే ఈ సినిమా నుంచి వచ్చిన ప్రతి అప్డేట్ ఆకట్టుకొని మూవీపై మరింత క్యూరియాసిటీని పెంచాయి. ఈ క్రమంలో తాజాగా ఈ మూవీ నుంచి ట్రైలర్ రిలీజ్ చేశారు మేకర్స్.
ఇక ట్రైలర్‌ను గమనించినట్లయితే.. తప్పు చేసిన తర్వాత చెప్పే సారీకి, అవసరం తీరిపోయిన తర్వాత చెప్పే థాంక్స్‌కు నా దృష్టిలో విలువ లేదు అని కిరణ్ అబ్బవరం చెప్పే డైలాగ్‌తో ప్రారంభమైన ఈ ట్రైలర్ ఆద్యంతం ఆకట్టుకునేలా ఉంది. ఇందులో ఆ యంగ్ హీరో చెప్పే ఒక్కో డైలాగ్ డైమండ్‌లా అనిపించింది. అయితే క(Ka) సినిమాలో మాస్ యాక్షన్ హీరోగా కనిపించిన కిరణ్.. ఇప్పుడు దిల్ రూబా సినిమాలో లవర్ బాయ్‌గా కనిపించనున్నాడు. అలాగే అటు యాక్టింగ్, ఇటు యాక్షన్ సీక్వెన్స్‌లు అలరించేలా ఉన్నాయి. తాజాగా విడుదలైన ట్రైలర్ సోషల్ మీడియాలో ఎంతగానో ఆకట్టుకుంటుంది. మరి మీరు కూడా ఆ ట్రైలర్‌ను చూసేయండి.
