Slumdog Millionaire: సీక్వెల్‌కు సిద్ధమైన 8 ఆస్కార్‌లు గెలుచుకున్న చిత్రం..
దిశ, సినిమా: 2008 లో వచ్చిన ‘స్లమ్‌డాగ్ మిలియనీర్’ (Slumdog Millionaire) ఎలాంటి విజయం సాధించిందో అందరికి తెలిసిందే. డానీ బాయిల్ (Danny Boyle) దర్శకత్వం వహించిన ఈ మూవీ భాషతో సంబంధం లేకుండా అభిమానులను సొంతం చేసుకుంది. అలాగే ప్రపంచవ్యాప్తంగా ఉన్న సినీ ప్రముఖులు ‘స్లమ్‌డాగ్ మిలియనీర్’పై ప్రశంసలు కురిపించారు. దీంతో 10 విభాగాల్లో ఆస్కార్ (Oscar) నామినేషన్లలో చోటు దక్కించుకున్న ఈ చిత్రం ఏకంగా 8 విభాగాల్లో అవార్డును గెలుచుకుంది. నాలుగు గోల్డెన్ గ్లోబ్ (Golden Globe) పురస్కారాలను సొంతం చేసుకుంది. అలాంటి ఈ చిత్రం ఇప్పుడు సీక్వెల్ (sequel)కు సిద్ధం అయినట్లు తెలుస్తోంది. అంతే కాకుండా ఇటీవల ప్రారంభించిన ‘బ్రిడ్జ్ 7’ (Bridge 7) అనే నిర్మాణ సంస్థ ఈ మూవీ సీక్వెల్ హక్కులను సొంతం చేసుకుందని వార్తలు వినిపిస్తున్నాయి. కానీ.. దీనిపై ఎటువంటి అఫీషియల్ అనౌన్స్‌మెంట్ రాలేదు.
అయితే తాజాగా ఈ విషయంపై ‘స్లమ్‌డాగ్ మిలియనీర్’ డైరెక్టర్ స్పందిస్తూ.. ‘కొన్ని కథలు ఎంత కాలం పోయినా ఆసక్తి (interest)గానే ఉంటాయి. అలాంటి వాటిలో స్లమ్ డాగ్ మిలియనీర్ కూడా ఒకటి. ఒక మంచి కథకు భాషాపరమైన హద్దులు ఉండవని ఈ కథ నిరూపించింది’ అని చెప్పుకొచ్చారు. కానీ సీక్వెల్‌పై మాత్రం ఎలాంటి క్లారిటీ (clarity) ఇవ్వలేదు. అలా అని సీక్వెల్ లేదని కూడా చెప్పలేదు. దీంతో ప్రేక్షకుల్లో క్యూరియాసిటీ (Curiosity) మరింత పెరిగింది. మరి.. ఈ ‘స్లమ్‌డాగ్ మిలియనీర్’ సీక్వెల్ ఎప్పటి నుంచి పట్టాలెక్కుతుందో, దీనిపై అధికారిక ప్రకటన ఎప్పుడొస్తుందో వేచి చూడాల్సిందే. కాగా.. ముంబయి మురికివాడల్లో నివసించే ఓ బాలుడు తన తెలివితేటలతో కౌన్ బనేగా కరోడ్‌పతిలో రెండు కోట్లు ఎలా గెలుచుకున్నాడు అనేది మూవీ కథ.
