Kannappa: సోషల్ మీడియా మొత్తం శివ నామస్మరణే.. కొత్త రికార్డ్ క్రియేట్ చేసిన కన్నప్ప
దిశ, సినిమా: విష్ణు మంచు (Vishnu Manchu) డ్రీమ్ ప్రాజెక్ట్ ‘కన్నప్ప’ (Kannappa) త్వరలో ప్రపంచ వ్యాప్తంగా ప్రేక్షకుల ముందుకు రానుంది. ఇప్పటికే ప్రమోషనల్ కంటెంట్‌తో ‘కన్నప్ప’ మూవీపై హై ఎక్స్‌పెక్టేషన్స్ క్రియేట్ కాగా.. రీసెంట్‌గా వచ్చిన ‘శివ శివ శంకరా’ (Shiva Shiva Shankara) అనే పాట సోషల్ మీడియాలో చార్ట్ బస్టర్‌గా నిలిచింది. అంతే కాకుండా ఈ పాట సోషల్ మీడియాలో ఎన్నో రికార్డులు (Records) క్రియేట్ చేస్తోంది. ఇప్పటికే ఈ సాంగ్‌ను 80 మిలియన్ల (8 కోట్ల) మంది వీక్షించారు. ఇక ఇన్‌స్టాగ్రామ్‌(Instagram)లో రెండు లక్షలకు పైగా రీల్స్ చేశారు. అన్ని వర్గాల ప్రేక్షకుల్ని ఈ పాట ఆకట్టుకుంది. పిల్లల నుండి పెద్దల వరకు అందరూ ఈ ట్రెండ్‌లో చేరి రీల్స్‌తో తమ భక్తిని చాటుకుంటున్నారు.
ఇక సోషల్ మీడియా మొత్తం శివ నామస్మరణే కనిపిస్తోంది. అంతటా శివ శివ శంకరా అనే పాటే వినిపిస్తోంది. దీంతో మహా శివరాత్రి సందర్భంగా ఈ పాట మరింతగా ట్రెండ్ అవుతోంది అనడంలో అతిశయోక్తి లేదు అంటున్నారు చిత్ర బృందం. ఈ పాట అద్భుతమైన విజయం సాధించడంపై నటుడు-నిర్మాత విష్ణు మంచు మాట్లాడుతూ.. ‘శివ శివ శంకరా’ పాటకు వచ్చిన అద్భుతమైన స్పందన చూసి మేం చాలా సంతోషిస్తున్నాం. ప్రజలు దానిని స్వీకరించిన విధానం, రీల్స్ చేస్తూ తమ తమ భక్తిని ప్రదర్శిస్తుండటం ఆనందంగా ఉంది. ఇంతలా ఈ పాట ట్రెండ్ (trend) అవుతుందని మేం ఊహించలేదు (Not expected). శివరాత్రి (Shivratri) వస్తున్నందున ఈ పాట మరింత ఉన్నత స్థాయికి చేరుకుంటుందని అర్థం అవుతోంది’ అని అన్నారు. కాగా.. ముఖేష్ కుమార్ సింగ్ దర్శకత్వం వహించిన ‘కన్నప్ప’ చిత్రం ఏప్రిల్ 25న గ్రాండ్‌గా రిలీజ్ కాబోతోంది.
