Pushpa 2: ఇండియా మొత్తం ‘పుష్ప-2’ రికార్డుల మోత.. నాలుగు రోజుల్లో ఎన్ని కోట్లు సాధించిందంటే?

దిశ, సినిమా: ఐకాన్‌స్టార్‌ అల్లు అర్జున్‌(Allu Arjun), బ్రిలియంట్‌ దర్శకుడు సుకుమార్‌(Sukumar) కాంబోలో వచ్చిన మూవీ ‘పుష్ప-2 ది రూల్‌’(Pushpa 2: The Rule ). ఈ చిత్రం ఇండియన్‌ బాక్సాఫీస్‌పై సరికొత్త రికార్డులను క్రియేట్‌ చేస్తోంది. విడుదలకు ముందే ప్రీ-రిలీజ్‌ బిజినెస్‌లో ఇండియాలో సరికొత్త రికార్డును నెలకొల్పిన ఈ చిత్రం విడుదల రోజు ప్రీమియర్‌స్‌(Premieres) నుంచే బ్లాక్‌బస్టర్‌గా నిలిచింది. ఇక డిసెంబర్ 5న ప్రేక్షకుల ముందుకు వచ్చి హిట్ టాక్‌తో దూసుకుపోతుంది.

ఈ సినిమా మొదటి రోజు, రెండవరోజు, మూడవ రోజు వసూళ్లలో వరుసగా ఇండియా ఆల్‌టైమ్‌ రికార్డులు సృష్టించిన ‘పుష్ప-2’ తాజాగా నాలుగో రోజు రూ. 829 కోట్లు వసూలు చేసి ఇండియా చరిత్రలో ఆల్‌టైమ్‌ రికార్డు(All-time record) సృష్ఠించింది. కేవలం నాలుగు రోజుల్లోనే రూ.829 కోట్లు వసూలు చేసిన తొలి భారతీయ చిత్రంగా 'పుష్ప-2' ది రూల్‌ బాక్సాఫీస్‌పై సరికొత్త రికార్డ్ క్రియేట్‌ చేసింది. ప్రతి భాషలో సునామీలా దూసుకపోతున్న ‘పుష్ప-2’ ముఖ్యంగా బాలీవుడ్‌లో తన జైత్రయాత్రను కొనసాగిస్తోంది. బాలీవుడ్‌లో ఒక్క రోజులోనే రూ.86 కోట్లు వసూలు చేసి సరికొత్త సంచలనానికి తెర లేపింది. ఇంత త్వరగా అంటే కేవలం నాలుగు రోజుల్లోనే 291 కోట్లు కలెక్ట్‌ చేసిన హిందీ చిత్రంగా నిలిచింది.