MATKA: చిరంజీవి స్టేట్ రౌడీ డైలాగ్‌తో అదరగొట్టిన వరుణ్ తేజ్ (వీడియో)
దిశ, వెబ్‌డెస్క్: మెగా ప్రిన్స్ వరుణ్ తేజ్(Varun Tej) నటిస్తోన్న అప్‌కమింగ్ ఫిల్మ్ మట్కా. తొలిసారి ఈ చిత్రాన్ని పాన్ ఇండియా రేంజ్‌లో తీసుకురాబోతున్నారు వరుణ్ తేజ్. ఇటీవలే షూటింగ్ పూర్తిచేసుకొని విడుదలకు సిద్ధంగా ఉంది. ప్రస్తుతం ప్రమోషన్స్ చేస్తున్నారు. తాజాగా యాంకర్ సుమతో కలిసి దీపావళి వేళ ప్రత్యేక ఇంటర్వ్యూ చేశారు. ఈ ఇంటర్వ్యూలో మెగాస్టార్ చిరంజీవి(Megastar Chiranjeevi)కి చెందిన ‘స్టేట్ రౌడీ’(State Rowdy Movie) డైలాగ్‌ను వరుణ్ తేజ్ చెప్పాడు. దీంతో యాంకర్ సుమతో పాటు ప్రొడ్యూసర్, డైరెక్టర్, హీరోయిన్ అంతా క్లాప్స్ కొట్టి అభినందించారు.
ఇదిలా ఉండగా.. చాలా గ్యాప్ తీసుకొని ఈసారి పక్కా ప్లాన్‌తో వరుణ్ రాబోతున్నారు. మట్కా చిత్రంపై ప్రేక్షకుల్లో సైతం మంచి అంచనాలు ఉన్నాయి. ఈ సినిమాలో వరుణ్ వైవిధ్యమైన గెటప్స్‌లో నటిస్తున్నారు. ఇప్పటికే రిలీజ్ అయిన పోస్టర్స్, టీజర్, సాంగ్స్ ఈ సినిమాపై బజ్ క్రియేట్ చేయడంతో ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఈ సినిమాను కరుణ కుమార్ డైరెక్ట్ చేస్తుండగా.. మీనాక్షి చౌదరి, నోరా ఫతేహి ఇతర ముఖ్య పాత్రల్లో నటిస్తున్నారు. జీవీ.ప్రకాశ్ కుమార్ సంగీతాన్ని అందిస్తున్నాడు.
చిరంజీవి స్టేట్ రౌడీ డైలాగ్ తో అదరగొట్టిన వరుణ్ తేజ్ 🔥💥#Chiranjeevi #VarunTej #StateRowdy #Matka #TeluguFilmNagar pic.twitter.com/Qr16uoaX7S
— Telugu FilmNagar (@telugufilmnagar) November 2, 2024
