సంక్రాంతికి వస్తున్న 'ఆచార్య'.. మరి 'RRR'?
మెగాస్టార్ చిరంజీవి, కొరటాల శివ కాంబినేషన్ లో వస్తున్న “ఆచార్య” సినిమా ప్రేక్షకుల్లో భారీ హైప్ క్రియేట్ చేసింది. రామ్ చరణ్, చిరు గురు శిష్యులుగా నటిస్తుండడంతో మెగా ఫ్యాన్స్ చిత్రం కోసం ఆసక్తిగా ఎదురచూస్తున్నారు. ఇప్పటికీ ఫస్ట్ లుక్ రాలేదు, అసలు చరణ్ ఎపిసోడ్ షూటింగ్ షురూ కాలేదు. కానీ సినిమాను సంక్రాంతి కానుకగా జనవరి 8న విడుదల చేసేందుకు ప్లాన్ చేస్తున్నారట చిరు. అయితే జక్కన్న దర్శకత్వంలో చరణ్, తారక్ హీరోలుగా తెరకెక్కుతున్న చిత్రం “రౌద్రం రణం రుధిరం” కూడా జనవరి 8న రిలీజ్ చేయాలనే ప్లాన్ చేశారు. అధికారికంగా ప్రకటించారు కూడా. కానీ కరోనా వైరస్ కారణంగా సినిమా షూటింగ్ వాయిదా పడడంతో RRR విడుదల పోస్ట్ పోన్ అవుతుందనే చిరు ఈ నిర్ణయం తీసుకున్నారని తెలుస్తోంది.
ఎలాగూ జక్కన్న ఎక్కడా కాంప్రమైజ్ కాడు కాబట్టి… సినిమా ప్రేక్షకుల ముందుకు వచ్చేందుకు చాలా సమయం పట్టే చాన్స్ ఉంటుందని తెలిసిందే. కాగా RRR విడుదల ఇప్పుడు కూడా వాయిదా పడితే… ఇది రెండో సారి కావడం గమనార్హం. సినిమాలో అజయ్ దేవగణ్, అలియాభట్, సముతిరఖని ప్రధాన పాత్రల్లో నటిస్తుండగా… మోహన్ లాల్ కూడా RRR టీంతో జాయిన్ అయ్యే అవకాశం ఉందని టాక్.
Tags: Chiranjeevi, Ram Charan, Koratala Shiva, SSRajamouli, RRR, Acharya
